餞別＠Dennis｜PChome Online 個人新聞台

2005-09-19 00:46:54| 人氣37| 回應0 | 上一篇 | 下一篇

餞別

推薦 0 收藏 0 轉貼0 訂閱站台

有日去HKICPA攞reading package,真係重到我呀,好彩我讀一個module,跟住就去咗旺角見個好快要走的朋友,(呢刻的佢應該己經去到咗英國),嘛同佢係旺角百老匯買咗部電子辭典,都要成千蚊,而係我簽卡因為中銀卡有三倍積分,佢其實今次去英國都買咗好多嘢,又有iPod喎. 之後去咗飲嘢,好唔鐘意裏面有班學生妹講粗口食煙,本來諗住真係同你去TST/金鐘食tea,竟然同你餞行係間咁的嘢度.

星期五開始温吓份package,因為夜晚返彩虹祈禱會,所以都無聊咁返咗ust,今年好似多咗人做gym,其實年年開學都係咁,一開始多人,去到學期尾就無咩人,總之撞到Leo咋. 温咗兩個section覺得好得人驚.....總之夜晚去咗家禱會喇,今日好似好少人咁,其實有個人己經無番好多次,佢最近呢兩次擘餅都無返,我想話如果媽咪因為你乖送架玩具俾你,但係你成日顧住玩玩具而無心機讀書,媽咪係會收番架玩具....(雖然我知佢一定睇唔到)

呢兩日開始病,正如我成日講,梗係我做得陰質嘢多,所以我都慣晒,但係要搞到去睇醫生就真係重陰質.今日一聚會完就返屋企食嘢,之後就狂瞓,因為實在傷風感冒太辛苦喇.但係夜晚好番啲咁我又要出去同Kuochi佢地食飯,其實我本身唔鐘意日本嘢,但係好耐無食過,覺得和民都幾好喎,其實我要求好低,有啲飯有啲嘢可以食得飽我就得. 我地之後出咗去海傍行咗陣,雖然仲修理緊,天氣都唔係咁好,都望唔到個月亮,不過我自己又無所謂,只要知道個月亮係度就得,見唔見到唔係咁重要啫.

我要檢舉

台長： Dennis

人氣(37) | 回應(0)| 推薦 (0)| 收藏 (0)| 轉寄
全站分類: 心情日記(隨筆、日記、心情手札)

回應(0)