正如你地都會估到,我一定會早個幾鐘起身去做gym,因為己經成為咗我生命中不可或缺的一環,點知做到八點幾竟然落雨,好驚玩唔到水上活動,所以gym room越黎越多人. 約十點鐘我地去食早餐,但係因為昨晚瞓得唔好(kwan,非常唔好意思),所以好似無咩胃口,而呢度啲嘢食無holiday inn咁多,但係早餐竟然有咖喱雞飯,真係印尼....
十一點撘車去Manamana beach玩,原來好近我地酒店,但係啲水再清啲,而啲沙就無咁"吉"腳,最緊要的係少人,無班HK人己經好好多. 嗰度有好多水上活動,可以玩風帆,滑浪,香蕉船(不過要6個人玩)......越難玩的嘢越平. 本來諗住玩划艇,但係驚晒,所以最後玩咗樣緊張刺激的水上電單車(jetski),要$55玻紙半個鐘,首先要著救生衣先,一上架嘢我完全控制唔到,教我的哥哥仔叫我跟住佢,但係我左右都好難控制到,最後佢教咗我一招"relax",呢招真係好掂,我地雖然無跟佢咁快同出咁遠,但係其實都好遠,我諗離岸都有一公里,無論望出個海或者望番岸都好靚,最緊要唔好望下面,因為啲水真係無限深. 雖然可以兩個人一齊玩,但係其實"渣"車嗰人應該唔驚,反而係後面攬住前面的重驚,所以玩完之後唔識游水的kwan己經驚到好攰. 總之下次黎我一定再玩.
兩點鐘番poolside食晏,今次叫地道嘢印尼炒飯,飲super dry(超勁),之後去做message,其實我地淨係做頸同肩膊,個姐姐仔一按摩我的背脊時,好X痕ar....原來條頸兩邊的肌肉可以咁痕咁酸軟,咁我忍笑忍咗好耐. 我覺得係有肌肉的人先會咁敏感的,因為kwan一啲都唔痕. kwan做完重去做咗個spa,根據佢所講,係有幾百朵花係個池度,個環境好靚,但係你諗吓我一個男人會唔會去玩花瓣喇...... 本來做完諗住出市集行吓,順便買爉燭去沙灘玩,點知落雨,咁我地就被困resort.
六點左右,雨都停咗,見到個夕陽咁靚,我地就過咗去Manamana beach睇日落,有幾個本地人打沙灘排球,岸邊有兩隻魚船搖晃著,又係classic的夕陽海灘poster相,佢地打打吓排球,其他人走晒,淨番兩個男仔落水玩,係沙灘留下兩道長長的背影......睇到咁上下我等番resort食最後的晚餐,點知buffet唔好食,咁嘛叫咗幾個dish,竟然最好食的係香港炒伊面,真係.....夜晚我係間房度睇英超重播,睇到攰就慢慢瞓咗lu
都係講聲係呢度last 2 albums可以睇到相:
http://community.webshots.com/user/dennisatust
