星期三,六點半就要起身執嘢,跟住好快咁食完早餐,就告別Holiday Inn,八點四去到機場附近叫Tumah Merah的碼頭,好快咁check in入印尼,係等船的大堂度買咗支叫banana boat的太陽油,都要成$13玻紙,好快咁上船,食咗個碗面就繼續瞓,一個鐘就去到至正的Bintan island.
因為印尼時間早一個鐘,去到都係九點幾啫,我地間酒店叫Nirwana,但係因為要成三點先check in,所以唯有去游池玩住先. 個池真係好正好正,望過去係連埋個海,但係D靚曬太陽位一早俾人霸咗. Anyway,我就周圍游吓,Kwan就係池邊睇書,最可惡的係竟然有一班好嘈的香港人. 我地係池邊叫poolside食晏,我食一個pizza+fruit cocktail要$20到,酒店差唔多喇. 跟住上去check in番,雖然無海景房,但係都幾好吖. 咁我就去gym room參觀吓,不過啲trainer無咩禮貌唔理男人. 四點左右,我地番落泳池度,係池中心的bar飲嘢,我地好冒險咁帶咗部相機經涉水先入到個bar,我試咗Bintan的local啤酒,kwan好似飲smoothies,我地一黎就帶旺咗個bar,我重同咗個好得意的細路影咗張相.跟住就落咗沙灘玩,啲水好清,可以睇到啲魚仔游黎游去,個天又好靚喎,太陽落山將天空染紅.....
六點半撘shuttle bus去一個叫Kelong的海上餐廳食飯,因為夕陽重有啲餘暉,所以仍然有幾抹紅,我地叫咗個2人set dinner,有黑椒炒蟹,牛油蝦,魷魚.....重之係海鮮餐喇,另外叫嘢飲(我飲椰青,kwan仍然飲smoothies),要$86玻紙,個蟹勁好食,辣中有有啲甜喎,之後食完番沙灘睇星星,因為四圍勁黑同個天勁清,所以啲星好光,本來都有兩pair韓國人係度玩,最後淨番我地,真係好靜,望落個天度,如果有人識話呢堆星係咩星座,個幾粒又係咩咩季節出現....就好喇,識呢招真係可以冧死女. 其實點解會閃閃吓既....我地瞓係度睇咗好耐,最後因為有蚊,所以唯有走.
其實最靚的星星,永遠相機都影唔到,但係睇一次,呢一世都會記得.
文章定位：
