其實一直都都記last day的事,不過因為上篇寫寫吓就轉咗寫人,反而無記last day發生的嘢,等都今日我又唔係咁記得喇......
九點二十分,係我同kwan最後一次係太子地鐵站等一齊番學,我地比平時遲啲就可以係彩虹有電梯撘,也沒有多久就回到Sabrina班房,沒有什麼人,Sabrina今堂叫啲未攞夠分的人答問題,希望人人都攞到滿分,最後叫我地去grad dinner,傻喇,啲人我又唔識,係佢地想搞啫嘛,做咩要我俾錢,$320去富豪酒店喎,我寧願去grand hyatt喇. 唔好話我無人情味,不過俾係你都唔想對住一班揾到晒工的人話.....
做gym,無錯,last day係做gym的好時機,因為少人囉,呢個係我九個月黎的習慣,唔做會唔安樂,其實我特登唔食飯,係為咗等上完com. law去飲茶,點知我上完堂飛書的com law之後去南北,佢竟然同我講話今日無下午茶.....可惡,Hildy即刻好唔高興咁話不如出坑口飲囉,(係atrium度又影咗好多相,同呀chiam都影咗兩張)咁我地四個嘛去咗坑口稻香囉,叫咗一堆好油膩的嘢,特別係個雞軟骨,重有辣的炒羅白糕,三星燒賣.....食剩好多嘢,我地又好白痴咁係茶樓影咗好多相. 四點半,番科大開會,傾com law research paper,其中好欣賞Wallace的態度,同Hildy做研究真係好認真,我都唔敢怠慢添....
七點半,上com law,講咗書成個鐘先派final sample,真係等死人,不過,佢重派埋一堆嘢飲同嘢食,Wallace一手就攞到一pack6包維他檸茶,咁我即刻搶咗黎影相,重有無數的零食同糖....百幾個acct人就蜂擁而上,場面壯觀,之後重狂影相,完全無上堂的意圖,咁我就走喇. 原來Brian之後會講啲感人嘢,叫我地珍惜生命,因為對於佢黎講生命每一日都係賺番黎
星期六都好好,可以番到青聚分享書藉,其中講屬靈的病徵,當有罪的時候,一切都不同,從前覺得可愛的,現在都可恨了,生命充滿埋怨......之後同咗弟兄走,本來佢諗住陪我番屋企,點知我地講講吓嘢又去買嘢飲,最後去咗怡靖那邊,好多蚊呀. 一陣再出咗去銅鑼灣,陪人買嘢,不過有啲貴喎.
主日,司事,感覺很好,雖然二點幾先瞓,但也很精神,見到弟兄番黎,心中釋然咗啲,無講嘢吖,因為唔想講廢嘢. 返咗屋企彈琴,又去咗打羽毛球,兩個鐘七個人打,好舒服呀,有人無番聚會但係有去打波喎,真係唔係咁應該. 晚上的icq,我說了一些平時都唔敢多想的話,因為實在太....,但事情俾人的感覺就是這樣吧,其實你這樣作,係某層面上,我都覺得無可厚非. 你去吧,我不會阻止你,也不能. 因為我沒有資格.
去了青山道麥記温書,很多會考細路,很嘈,但我很有效率,因為我怕靜.
PS:相中便是上com law 的情況了. 另有相在:
http://community.webshots.com/user/dennisatust
