不經不覺,就last day了. 其實我一直沒有什麼感覺,但,也應熱鬧一番,去製造一些美好的回憶. 3年前的今日,還懷著滿腔熱誠想著去HKU讀law,2年前的今日,是哭著臉的訴說自己想到CU讀中文系,1年前的今日,剛剛從內地工作回來,對入呢行充滿信心,今日的我己經......
o'camp,還像昨天的事,當日玩水戰,用地拖頭扑西瓜鬥快食,還有少少三級遊戲,認識了很多人,3年後只剩下一個,就是你吧. 也是第一個sem同我堂堂一齊上的,當時大家都傻傻地,都無諗住入咩Big4,覺得自己差過其他AL讀過acct的人十條街. 又唔知點解一齊又做acct annual jorunal,去會展訪問參觀World Accountant Congress,year 2雖然好似疏咗,但係上年fall sem我地每星期都去南北飲茶,真係hea到嚇親人,二個人都照飲,連帶位姐姐都認得我地,其實我sem break屋企有事的時候,我第一個係見番你.....雖然第二時我地都無機會無一齊咁再飲茶,係一個悠閒的下午,對住西頁的海同白帆船.....
我點會走甩你,嘛就係同我一樣咁浮誇個位姐姐咯,當一齊係libra開會的時候,就己經有爆笑的事發生,我地日日一齊返學放學,太子地鐵站車尾就成為我地的老地方,一齊行街買衫一齊食tea吹水,記得有次番學撘小巴,當你同個師奶坐個2人位的時候,我企係個小巴位邊死都唔肯走,個師奶見我地咁黐纏,都唯有讓個位俾我坐,而呢件事係yr3再度出現,成車淨係剩番1個二人位俾我地….仲有成日係LG7食tea,你去食翼骨的絕技,重要食完之後再上café又食多個tea,好得人驚. 好記得一齊去蘭桂方食飯,之後尖咀落吧飲嘢,你飲咗兩杯cocktail就冧咗,要我半扶半抬你番屋企,而我地經歷的事又豈止咁少啫.
重有一個識得好奇的人,係有一日考完試一齊撘91M巴士識的,我地一齊去咗荷理活廣場食嘢,我又好down,好想揾人講嘢,而你就成為咗我的listener. 一開始你俾我感覺係一個好好的基督徒,我嗰時都多少因為你而認真信主,可能你唔知喇. Yr1時我話好想去山頂,係你陪我去的,而影咗一輯我有鐘意的相,還記得我地最後沒有走那條下簿扶林的路吧. 也去過大埔,其實我真係好少為咗探人去一個咁遠未去過的地方,還記得那條河,和你家中的公仔家族…..好懷念一齊揾唔到工的日子,一齊係LTG食飯盒上com law的時間.
和你的認識,似乎是主的安排吧,在acct中身型和成績也極為特出的你. Yr1時只覺得你係個怪人,淨係識讀書,係rama discussion board不停問,上堂又不繼問嘢,真係覺得好煩,但係因為係langmate,所以都算係識咗. Yr2 summer,唔知點解,又會一齊食吓飯,做吓gym,重一齊上個得幾個人上的游水course,會約出去食飯…..正如人話,我地性格好唔同,究竟點解會咁熟呢. 我想係基於信仰的問題,而你對信仰態度的認真,使我對你重新評估,覺得係一個好值得交的朋友,其實我想令你無往不利的原因就是這一個:真.
在這三年裡,我得的和失的同樣多.
文章定位：
