我其實練咗成日首"世上只有",但係到我彈俾Sarah聽的時候,我都係話未練過咁滯,哈哈. 其實我自己都知唔係咁熟,不過無所謂喇,最緊要係我呢份心意同你慶祝我地相識一週年啫,係唔係? 最討厭係部琴個pedal好差,真係可惡.
之後我地出咗去,最funny的是我地咩都無講過都知道要去尖咀,係去的途中我地見到地鐵車廂裡財經新聞話:Deloitte搬去太古廣場,真係好呀,佢以後番工無咁遠,唔使去上環. 咁我地去到尖咀嘛去咗海運LCx行,因為都話我地要揾呢個同款的背心囉,不過原來都幾難揾男女都可以著的款喎,不過我地都覺得應該係啲sporty的.經過Kent & Curwen,見到出咗新夏季衫,都幾掂. 之後我同佢出咗去海運Starbucks出面吹水,可以望到海景,最衰係多人食煙,我地都傾咗好耐,我覺得唔係你要求高吖,至少我質素咁低你都同我癲呀.
一週年就梗係唔可以食頹嘢喇,本來諗住去我canteen Ruby Tuesday,但係裝修喎,唯有落地下一間叫Panash的西餐廳食,其實我覺得Habitu唔錯,不過你覺得Panash環境得意啲我都無所謂. 本來我想叫羊肉,但係無喎,咁我地嘛兩個都食帶子煙肉巻闊面,都算係咁喇,但係就俾我食咗個芝士蛋糕,所以我可能因為咁而個肚唔舒服. 一個人都係百五蚊,係海運就算係咁喇.
出咗海旁,天色唔係咁好,又有啲凍,但係我又好唔想走,但係我又知道你要走. Sarah,多謝你.
我自己一個最後望住個海,每次我唔開心都會係咁,心裡面.......很想擁抱著一個人去喊,怪自己咁放過自己,想到事情不知怎去完,想到自己所受的傷,想起比我還傷的,想到被毁於一旦的......
今日番查經,去的途中己經突然又有一種被襲擊的感覺,一陣難過又湧上心頭,我同自己講唔可意咁既. 完咗之後,同順達偉文一齊食飯,之後重一齊送順達番去,我成日都諗住無幾多次可以咁做,所以好珍惜,最後我地三個係佢門口傾偈,大家都攞個心出黎. 我同順達講"我下一次見你就係星期日",我地明白呢句說話代表咗啲咩,所以心裡同樣感受. 而家的我係唔可以唔tough,因為我需要係咁,但係正如你問我有幾唔開心,我連自己都講唔到俾你知,我淨係知係會隨時爆發個隻,重未喊得出個隻......
"我下一次見你就係星期日"
文章定位：
