星期五晚當我著短袖衫的時候,真想不到星期六又要著咁多,突然一日跌咗十度,想人唔病都幾難. 因為三月五日係識咗Sarah一週年的大日子,咁就梗係要做番啲gap嘢喇,所以星期五晚上都好夜先瞓,成四幾鐘,我都差唔多放棄要揾的嘢,同我ICQ的人都hang埋機,諗住都算把喇,點知......俾我揾到喎,好嘢,Sarah你睇住黎喇,哈哈.
對於某事情的發生,我只可以話,變態同唔知醜,並非人類可以容忍的地步. 個一種的恐怖同核突,就好似做戲咁dramatic,但係事情係發生得那麼近的時候,就真係有一種被傷害的感覺,係一種好深好深的傷害,我地幾十年所經營的,竟然可以可惡到俾呢件事徹底破壞,真係完全無理過我地的感受. "一日三餐"一種連自己都控制不了,一種對受害人做成極大傷害的,我覺得可以仍然有機會企係人面前講嘢,真係皇恩浩蕩......最緊要的不是其他,而是完全唔覺得有悔意,覺得我地黎逼害佢,可憐到佢連傷害咗人都唔知,可憐到佢唔見棺材唔流眼淚,如果見一見如果真係可以幫到佢的時候,我又唔覺得係咩嘢一回事喎. 我諗梗係生活好得滯,嫌我地舒服得滯,所以揾啲興奮刺激的嘢黎玩吓呢? 好好玩呀? 你以為你講啲嘢有人信你咩? 算喇,死咗佢算喇,死變態.
其實我叫你出黎的時候,我都唔係咁敢,費事礙住你休息,但係我又真係好唔得,其實我都好想同chiam飲嘢,不過都係唔好,我唔需要咁麻醉自己,所以嘛打俾你囉. 係McDonald's,我將心裡面的說話同你講,你係一個好好的聆聽者,會設身處地咁感受我所感受的,除咗可以喊之外,我重可以點呀,你完全明白. 事情無任何轉變,我一部分担子落到你身上,但我知道,只有你先承担得到,你配得過承担呢個担子. 我地一直咁傾,傾咗好多人,好多感受,好多心底話......一直去到四點幾,間McDonald話打烊(但係佢話自己24小時),咁我地嘛走,老土都講句:雖然外面好凍,但係內心温暖.
晚上八點鐘的約會,我七點十便去到,原來卻是八點半,咁我嘛落去食嘢囉,點知有人上黎話探吓我地喎,我真係好感動添,佢咁忙都係黎幾分鐘,真係好有心. 正式討論經過兩個鐘後,事後確實無令其他人釋然,大家都feel到有所保留,毫無誠意......先後我重傾到十一點,真係好享受. 窄路,真係好少人願意走上,雖然我蠢,但係我都心水清,邊個有心跟隨主我重未老眼昏花到睇唔到,朋友們,如果你覺得愛情,事業,享受,玩樂比主重要的話,你去吧,你將來會好痛苦咁番轉頭. 好希虛,好難過.....大個仔,好多嘢要負責.
累透
文章定位：
