Weekend最後都無出出陪Hildy去荃灣,其實我一定唔會入出求籤,我開心佢同Sarah兩個去,話知佢求咗支上籤. 青聚分享王上,都唔錯,不過無上次撒下咁好,其實我都係個句,無理由睇完幾十章聖經,一樣嘢都無既. 今次睇我真係覺得十八十九章講以利亞好精彩. 跟住個日又有同順達佢地打乒乓波喎,不過你地知我幾差勁喇,都係玩吓啫. 最可怕係電腦懷咗,要我呀哥用另一部電腦,將我的harddisk駁去另一部機,做另一部的harddisk,用另一部機recover番,咁我的相先可以保存番,雖然我有啲相上咗网,但係有點唔出得街嘛,唔見咗就慘喇.
上課還是開心的,當我的好朋友都坐在我身旁的時候. 我同kwan真係覺得Ryan同Stephen好得意,個樣cute都呀. 我同Sarah繼續我地上個星期上acct288的玩意,一齊畫Hello Kitty,我真係畫得好核突,重要畫到好大喎,咁上堂先無咁悶嘛,我地重好開心咁用同一set筆喎,而我又成日手痕將啲價錢紙貼係Stephen背脊度,佢重白痴到以為我叫佢,傻喇. 之後我不知幾叻仔,識得efficency係間公司唔見咗幾多件衫黎計,你地十世都唔會諗到嫁喇. 同埋,Sarah你真係要努力喇,而家連Dennis都識.
因為昨晚睇咗三十分鐘拉科對馬拉加,成四點半先瞓,又要七點幾起身,所以好攰,同Steve做gym就力不從心,不過算喇. lunch我又聽咗佢講佢教會的事,我又講咗好多的嘢,其實一句講晒,你在乎啲咩,你就會做咩. 去番indoor swimming pool,因為上個星期四上堂漏低咗googles同swimming cap,其實泳鏡都應該買個新的,但係泳帽用咗幾次咋,所以唔想唔見,好彩揾得番.
出尖咀,其實都無咩特別原因,有一少部份係想睇吓夏季的衫(背心),但係出到旺角就出咗去,因為記得Kwan同Sarah話夏天的時候我地三個要著同款唔同色大Logo背心,所以費事咁早睇,一個人出咗琼華,商務,百老匯電影中心,油麻地果欄,跟著直行出行西九,望到撃天半島同個golf場,又見到對面海中環同九龍呢度的躉船,日落,好靚......咁我就係一個傻仔係一條無人行的街度,send咗個SMS俾自己.
朋友,你要快啲好番呀,呢啲荀嘢呢既,不過你堅強吖嘛. 一個FYP的朋友,你努力呀,唔好理其他嘢住. 一個話我唔好再鬧人的朋友,好感激有人話我. 重有一個朋友,生日快樂!
PS:張相唔係我影,不過有啲似我睇的景囉
文章定位：
