朋友,當我聽到那幾隻字的時候,我的心就像停頓了一樣,不是吧!是不是我玩得太過份,是不是我係一個因素......眼前那齣"黃土地"彷彿也看不見,是,我明白,那在四十年代的山西,那種無望的人生,那首山歌所含的辛酸......正當我想親眼望清楚那幾隻字之際,你就是那麼的鎮定,就是那麼的self control,唉. 我都唔知點講,無錯,一個人唔可以同自己最愛的人一齊,一個人亦要為將來穩定的家庭打算,但又是否可以犧牲自己的感覺,是否可以呃到自己? 有時,我都唔知點答,人好多時候都唔知自己想點,所以如果你的目標唔清晰,你就會行錯路. 身為你的好朋友,希望的只有你幸福快樂,只有支持你做的每一個決定,只有當你需要人的時候在你身旁.....親愛的,作決定的仍然是你.
係上游水堂時,我覺得好開心,因為可以著蛙鞋,係我咁大個仔第一次著咋,好搞嘢,個人要倒後行,起身又要倒轉. 但係踢腳就會快好多,好似幾吓就過咗對面咁,同埋會個人浮好多,咁練手同換氣的時候會專注啲,重會比較知道邊組肌肉用力,真係好好呀......anyway,Gym room今日有個鬼佬好X大隻,個胸大個個頭,做上胸竟然做到一百Kg,好驚.我諗俾一啲完全未做過上胸的人,十五都一定做唔到. 另外,我都幾後悔當初無入龍舟隊,而定無機會玩喇,最後一個sem.
我啱啱睇完俄國作家Dostoevsky的Note from Underground一段,真係我最愛的style. 講佢精神上虐待一個妓女,最後反被精神虐待,講佢本來諗住可以控制佢的僕人,最後仍被征服. "We're even oppressed by being men-men with real bodies and blood of our very own. We're ashamed of it; we consider it a disgrace and we strive to become some kind of impossible"general-human-beings....." 我喜愛他刻意把人性最醜惡的一面殘酷的揭示出來,因為有醜惡的人面,才是人性. 我地平時係人面前要做到某啲嘢,其實我地都只不過係人,係平凡人,如果可以,我都好想將我係一個既咁敗壞的人不折不扣寫出黎......
" we're all cripples, every one of us, more or less"
文章定位：
