我想記抵昨日發生的嘢:考試,但係一早番到學校,大約十一點,去游水,點知無$5 coin,好在有人借到俾我,如果唔係我就白行一趟,咁游咗大約大半個鐘就去libra温書,温温吓呀.....唔知佢叫咩名的人同我一齊温喎,仲同我一齊食tea一齊吹水添.(佢住蘇屋,成日撞到,仲同一組做過project....不過真係唔記得佢叫咩名)
考試四點半至七點半,係civil engineering,不過係五十條mc,五十八題true & false,所以我做咗大約一個鐘,咁有啲自己諗極都唔會識的大約有十題,咁就走喇. 咁早,嘛去咗做gym,跟住再七點九出尖咀同ben食飯. 我六點九撘91m的時候,竟然撞番tony同佢莊員,咁我同佢傾得好奮興,咁一齊落車時,佢的莊員都上咗27巴士去旺角,tony就同我入咗地鐵站,之後行行吓先發覺......咁我準時去到,但係始終有人遲到,咁我嘛約係海運等囉,之後自己入咗giga sports,都係為咗睇泳褲. 又去咗睇Harry Porter文具......總之最後去咗KFC食喇(我自己都估唔到,以為都會去Ashley Road/Ruby/DanRyan食,但係唔知點解突然唔想)咁KFC都好好食,跟住講咗我屋企少少嘢,Ben又同我講番老題目,真係......唉,希望係最後答案喇.
今日,同Joe又去尖咀. 本來佢諗住可以早啲出黎,但係竟電話無電,約唔到我,等佢番到灣仔佢外婆家時,竟然水浸,所以搞咗好耐......Anyway,咁六點半係超多人的尖地恆等,我地去和民食嘢,等咗20分鐘喇. 有牛油帶子,焗海鮮飯,面鼓飯團,豬排煲,重兩個人share咗個coconut banana cocktail. 個豬排煲好好食喎,尤其是我地自己可以打隻蛋落去搞搞吓. 之後又去咗糖朝食甜品. 基本上我今日出黎,完全係為咗兌現我請番佢食飯的承諾,同埋我知道應該再無機會相見. 我今日己經兇多吉少.......
ps:11月23日係順達生日,希望....."求主天天扶持我,加我力量保守我,使我一生走窄路,使主心滿意足." .....成就係佢身上.
ps2:睇完弟兄diary,越覺得我地一大班人食飯都唔知為咩......不如以後我地兩個人食囉.
ps3:我決定唔買嘢喇......,我啲老毛病發作,但係我一定要控制自己.
文章定位：
