特然覺得好攰,好似好多嘢都唔記得咁......自己考完301之後,完全無心情温書. 星期六日咩都無做過,除咗彈琴之外. 同弟兄們去咗好耐未去過的地方食飯,我成日覺得弟兄的感覺好像有點疏離,好像大家都不太清楚大家,更不會一起談心事或屬靈的問題,反之姊妹就好好多,成日一齊,過節/開生日會/行街...... Anyway,我睇咗肇軒份功課,係contract law,咁我都記得大部份既.
夜晚同人去咗又一城. 有個聖誔樹,紅色,成四五層樓高,不過我覺得重靚過上年個水晶聖誔樹,可能自己心情好咗掛. 入咗dunhill,要Christmas之後先有sales,因為我前排見到條紅色的呔幾靚,如果折咗五舊我就買喇,不過我諗唔到有咩機會帶. 都入咗好多鋪,諗住聖誔睇吓有無平嘢執,不過去到又無咩衝動想買嘢. 見到隻足金的Winnie the Pooh,好想嘔. 跟住又有啲聖誔老人parade,我最憎啲叮噹聲. 間百佳變咗做Taste,我估都係百佳想學CitySuper咁走high cast路線. 去咗意粉屋食,我成日都去呢間意粉屋,因為樓底夠高,但係最唔鐘意就係好多part time,啲人成日唔同,係無晒第一期啲靚女......我想叫的蒜茸什麼帶子,竟然無貨,有啲失敗喎. 夜晚好夜同肇軒睇吓份assignment,不過我好攰(係由早上六點幾去到四點幾喎),搞咗一輪就瞓喇
星期一同Steve番咗去UST,我想游水,因為做gym我幾時都有得做,但係Steve唔想就算喇.(不過室內暖水池,數到全港都無幾多個)Winnie都係度,嘛就係Vector靚女Winnie,講開我同佢都係中學民生同學,不過以前無咩講過嘢,而我呀哥同佢家姐都係中學同學. 我無做成個月,簡直大退步,都唔知咁嚴重,咩都舉唔起喇.....唔得,真係要操番. 之後同STeve講咗好耐有關信仰的問題,好開心,雖然佢係信,但始終信得唔夠真實,不過主有主的時間. 我温咗一陣civil就走喇,我去咗銅鑼灣Sogo,啲泳褲八折,不過我特登黎揾的arena比賽褲仍然無折,成五舊呀......之後去中環slick的arena日本版都係一樣咁貴,好唔開心呀,天氣咁凍都無折......呢個聖誔至少要買一樣嘢俾自己喇:1)泳褲 2)袋 3)呔 4)褸
PS: Business Law考得好好,攞A-,真係要多謝Tony喇,唔知應該點報答你呢? 不如揾日我請你去彩蝶軒飲茶laaaaa(因為我自己都好耐未去過)
文章定位：
