竟然利物浦同皇馬隻隻入十六強,真係好彩. 尤其是利物浦,個什甚謝拉特成八十幾分鐘先入球世界波,十年一潤,咁就俾佢整走Rivaldo. 皇馬就係羅馬主場,少咗主隊八萬幾人的助威,的確Fatty Ronaldo係醒啲,而技術擊倒對手.
咁係屋企温書的effectiveness係負數,成廿幾歲人啲自制能力都咁差,真係. 不過好開心係屋企睇咗教育電視-校際音樂節,女拔真係好勁,piano solo, choir....咩奬都俾攞晒,如果第二時有女,我都逼佢入先. 另外重睇咗新楚留香,嘩,好白痴呀. 點同鄭少秋比呀. 如是這,我一時又打吓機,一時又彈吓琴,一時又上吓網,仲俾彥俊發現咗我蛇王.....唔得掂呀.
所以即刻星期五番學校温書,點知是月壽星Teri約我番約UST食早餐,真係funny. 兩個都成三點幾先睇,仲話約人十點鐘係U食cafe早餐. 不過我地又真係得喎,cafe啲早餐又貴又唔係咁好食,不過我地都係黎吹吓水啫. 同Teri一齊有樣好:我認知番原來我係一個正常人,原來一個人係應該graduate咗之後先揾工,只有一部份讀busi食屎大的人先咁早揾工,你都講得啱,我interview失敗的原因我好清楚,就係我覺得啲role play, question全部都好白痴,我根本就唔想答,另外我屋企環境同信仰令到我都覺得揾唔揾都錢唔係咁緊要......所以做成一個咁的情況. 其實我而家有啲諗住讀master,可能去外國,可能係香港,如果係HK就可以繼續學琴喇,好嘢.但係外國啲英文真係可以啪啪聲喎. Teri講咗樣無稽的嘢,關於學術研討會,唔知啲人係唔係會講:好,今日我地就一齊做呢條數.....哈哈哈
咁十一點就係library LG4揾咗個摺位温書，成功温咗三個幾鐘，咁二點幾去咗中銀找卡數，重去咗Clive度攞番個case,點知below mean,係本人呢個sem第一樣嘢below mean囉． 之後繼續係library讀到六點，撞到白痴仔楊國楠，佢考試仲去借Beethoven的Sonata去聽，但係我之後都忍唔住手去reserve借咗隻Chopin的Nocturne,係由無敵的Arthur Rubinstein彈，今日聽，我同呀哥即刻冷笑咗幾聲，因為實在太變態． 之後同Joe食完飯，七點鐘繼續係温書，最後成十一點先走，走的時候仲見到Larry,account真係個個都變態嫁，好討厭呀．
雖然而家明知温唔晒書，但係都好開心喎，唔知點解呢?正能量己經充滿咗我喇，可以隨時去做無聊嘢!
PS:我屋企有人congregation喎，俾張相你地吓，碩士袍的邊係特別幼．
文章定位：
