當我聽到Steve同我講佢唔開心的時候,我真係打咗個突. 佢問我有無聖經係身,我係無囉,佢唔開心的原因係佢唔鐘意自己的性格......我即刻諗番起好多好多嘢,我諗緊我自己有幾能夠接受失敗,因為我係一個係失敗中成長的人.由Alevel到入U,以前係中學考到好好,但係出到出去公開試就唔知邊度考得差,入U之後要幾差可以考幾差,雖然自己所有嘢都温晒,結果仍然係全個department最差個幾個,揾工又係咁,四間都有得in,不過in親都唔掂,連Jimmy都有EY partner in,我竟然乜partner都無,英文又唔係講得差,個樣又唔係特別衰,竟然去到呢個田地.
我諗的唔淨止係呢樣嘢,我係諗我又係點信主的呢?我即刻係想起一首詩歌:"我心所追求乃是神自己".當時我即刻用紙將四節的詩歌寫咗出黎,本來我好想俾Steve睇,但係我又覺得唔應該咁同人講,主有主的時候. Steve的問題令到我想咗好多,但係佢今日竟然無信心到去問個TA佢答成點,我真係對佢有啲失望.
同Joe and Tony飲茶,應該係呢個sem最後一次,真係唔知下一次會係幾時,我覺得我同Tony真係絕配:一樣咁hae. 如果俾我有offer,好似Joe係美國一早俾Deloitt請咗,咁我一定唔會去in其他firm(咁美國Deloitt同香港Deloitte又真係唔同的,就好似你有PWC offer咁),不過佢仍然去其他i bank咁努力. 夜晚考試,係六點至九點半,竟然我都早走唔到,啲嘢又難又深,痴線,睇黎上次above成個SD都無用.(不過final都係30%啫). 而之後同Joe & Hildy去咗大埔仔間大地食,Hildy竟然咁晚都食菠蘿油,之後三個人叫咗豆腐班腩煲同西檬雞,有例湯同炒菜,好開心可以食嘢同飲番兩杯. 我同Hildy都好同意Audit呢一行,係一個呃人的行業,係做場戲.其實client唔想俾啲嘢我地知,係一定做到.我地係一班可有可無的人,但係我地人工咁高係用時間同青春換番黎,唔好以為好好玩.
今日最後一日上堂,但係都無上足,走咗一個鐘堂. 上351同sarah坐,真係我地一齊坐就笑都停唔到,而上堂講咩我係完全唔知,因為我都無温過書. 今日食飯有成村人,除咗freda等人,重有Kapo,之後又去咗南北出面吹水,真係好悠閒,完全唔似考試. 上301,Rama講咗句好廢的廢話"Joint venture is jointly owned by 2 ventures",全班即刻大笑,但係佢完全覺得無問題,重問我地做咩.
今晩睇波.希望皇馬,利物浦出局!(我係反Liverpool永遠榮譽主席)
文章定位：
