星期日聚會之後同永鴻傾咗好耐,自己越黎越發覺science同business係兩個世界,跟住又睇咗人捉象棋,就同一班弟兄食飯. 其實我都有成兩三個禮拜無同佢地食,佢因為有時想早啲番屋企做嘢,有時又要同屋企人飲茶. 其實星期六日對我好重要,因為平時無乜時間練琴,得番呢兩日咋.
夜晚去咗我三大蒲點之一的Pacific Place北京樓食飯,之前用咗四十五分鐘極速咁打咗個轉,睇到個Paul Smith袋幾靚囉. 啲嘢食都係咁喇,其實我好唔鐘意食填鴨的,但係個餐有就算喇,基本上我比較欣賞個津白多啲囉,其實我一路食個胃都好唔舒服,番到屋企都好辛苦,十二點幾就開始嘔,咁個胃一路頂住,又瞓唔到,二點幾又開始肚瀉,一直上吐下瀉到六點幾先好啲, 八點幾我又死頂番學,因為下畫要開會嘛, 上堂一路都覺得好凍同發冷,去到二點幾食晏食咗個皮蛋廋肉粥先好啲,開完會就即刻歸家休息.
今日番學三點鐘上完堂其實我就諗住好似平時咁去美心飲下午茶(多謝steve的生日快樂),點知Hildy話出去食喎,咁我地嘛出去囉,我仲扯埋Nick唔上堂走添(其實我個時係唔知會有咩人同會去邊),咁最後有Tony, Jessica, Sarah, Nick, Hildy 同我六個人去咗我最愛的尖咀. 途中係旺角站轉車的時候,我個袋竟然被車門夾住,本來諗住下個站會攞得番出黎,但係原來係一路去到金鐘or中環都唔會係呢邊開門,咁我唯有用暴力解決問題,個袋真係慘.
Hildy同我諗的一樣,去Ashley Road的餐廳係最相宜的,去咗一間我之前同唔少人去過不過番新咗的地方食tea(其實個個四點鐘都未食飯),啲嘢都ok好食,不過Nick個烏冬個”剜”係唔合比例的大,同個waitress成日眼照照咁,佢竟然望到我地啲嘢未齊,就同自己講”等咩呀?原來有個未黎”我真係好想答佢:嘛等你囉,靚女.正XX. 我病都咁好火. 跟住一齊去Habour City, 間Mulberry原來開咗, 咁我嘛介紹吓啲舖囉,其實我都幾適合做Lane Crawford 或者 Joyce 的purchaser,如果科大開科designers brand我都可以做tutor. 係Cova揀蛋糕,我其實都有幾個月無食過Cova喇,我揀咗個blueberry cheese cake,就上CitySuper分黎食,咁我係CitySuper買埋紙牌同叉,點知唔記得Sarah係唔食cheese,真係唔好意思,又真係多謝晒你張卡喇,重特登用番我地做intern時間酒店的信紙寫.個cake啲cheese完全唔”漏”,餅底好鬆化囉,好有Cova水準. 多謝晒大家.我許咗個願,就係……..
夜晚同Ben去食嘢,間珍珍我都好耐無去過,一路聽你講嘢,其實我一路都無怪你,你唔使咁諗,點樣都好,我都係男人,我都明白. 過去的嘢唔重要,你做番自己喇,我都唔想你咁耐都係咁.做人係唔可以心軟,否則自己會吃虧. Anway, thx a lot. 我都無勇氣同你講,因為我覺得我做的,係比你更唔可以接受.
而我的願望就係希望我可以信主信得好.
文章定位：
