係人地睇我好似幾好咁,其實我都好担心吓,因為我申請咗的四份工,己經有兩份reject咗我,而有一份我尋日面試好差,一定死,所以淨番一間. 當啲同學仲見到我有得interview Pwc的時候,仲羡慕死咁,其實我都唔知面試得幾差. 死喇,會唔會真係一間big 4都無呢,如果無嘛好樣衰囉......咁我仲可以有乜做呀.
講開interview,咁一定要講吓尋日我去置地in Pwc喇,咁其實Pwc係太子大厦,長江大厦同置地都有office,咁置地就係executive conference room,兩點鐘上到去,真係好pro,係有一個茶會囉,擺晒西餅飲品,好似俾人social吓咁,跟住就係group interview,咁第一部份係成組人用三個抽的詞語黎組成一個故仔,咁我地抽中係"ghost, winter & 18th floor",而我地的故仔真係好無聊囉......跟住係case study,我地的case係地鐵故障,咁我地有乜建議俾廖秀冬呢?咁梗係全部用英文玩喇,咁每個活動都係半個鐘左右. 之後就係individual interview,我就俾人插死,玩situational question,點識答喎,好唔開心呀,咁唯有係置地行番陣開心番.
今日考試acct301,其實真係出到好淺好錢,不過我都唔識,我好係入到試場乜都唔記得咁,因為啱啱知EY唔俾我second round interview,好激氣呀,竟然無得係IFC番工,等我仲咁大期望添. 所以都考得好差,咁9:40同Tony,Steve,Hildy一齊去科大附近的大地食嘢,我地叫咗三個小菜,仲有個南瓜湯,我同Tony飲咗兩杯(真係兩杯咋),因為我呢兩日都好唔開心,真係好唔開心,但係又唔講得,一個人都唔可以講,佢地淨係以為我無得in EY唔開心,其實邊有咁簡單呀. 咁其實都吹咗一陣水,十一點鐘就再同Tony係附近飲咗罐喜力,咁就返屋企. 咁撘車時仲撞到Steven,係深水埗站出,我嘛陪佢出行多兩步先番長沙灣囉,吹吓風都好既,個人清醒啲.
"我知道我今晚會好唔開心"
"對唔住,我唔屬於呢種地方"
"其實我都係想講吓啲心底的說話啫"
無錯,我都好傻,自制能力都好低......如果係時候cut off,咁就cut off喇. 係無希望,係完全無希望.
文章定位：
