星期六因為我要返UST做KPMG的aptitude test,所以返唔到青聚,個test考英文的logic同maths,我自己對數學有啲信心,竟然我最鐘意同有信心的英文就做唔晒.不過我自己都唔鐘意KPMG,入唔到嘛算囉.其實是但有間請都OK喇.
返成聚,一入事務室,榮基導師同我講咁日好少弟兄返青聚.原來順達佢地全部都無黎喎.成聚一直查利未記,今日係27章,特計的願係要還嫁,根據申命記講,許願唔還係會被神追討,咁還可以獻1)人2)牲畜3)屋4)地,因為神己特定利未人為事奉祂的,所以以人還願只可以用銀來估價還願,如一個20-60歲的男人,就要50舍客勒(即1.25磅銀子),一個小孩只要5舍客勒.但係如果有人真係唔夠錢,咁祭司就會根據佢的能力去平估,所以神係好有憐憫的(係利未記中有好多類似的做法).意義係,每一個人都有屬靈的兒童時候,咁神只係會要求你5舍客勒,如果正常生長,咁長大便要付出50喇,但係有啲人不能正常正長,咁就無得為神付出喇.另外有種人係能夠正常生長,但係唔肯付出,咁神都勉強唔到你既.好大的前題係可以為神付出係我地的福份,而一個人的成長係取決於自己,可以賴環璄的係好少部份,林生好重講呢點,即係"你自己係點完全取決於自己想點". 另外,有人永獻給神,不留一點給自己,永不贖回,實在好寶貴.
主日講的信息,我之前真係一啲都無諗過,因為實在好難相信神係會終結一些不結果子的人的生命.其實真係的,主完全有權,亦在理由去咁做,如果我多存活一年便多給仇敵作笑柄,真係應該早啲死喎......如果有人曾經擘餅因干犯主的身體死亡的時候,呢個講法係好成立的.(亞拿尼亞撒非喇其實真係唔錯,拿家對去獻給主,但卻留下一點,顯出有主的同在,主的手亦係特別重.)
下畫去咗同Nick係MK買suit,不過應該話係做suit,佢乜都無睇就去兆萬做,我都係第一次睇人去做suit,原來連胸都要度埋,600蚊,唔知貴定唔貴呢.去咗biem睇吓其他嘢,啲款都幾怪喎.之後又去嘉樂樓上睇眼鏡,我真係佢常客黎嫁喎,不過從來都唔幫襯啫.本來諗住係MK揾個地方飲嘢,點知揾唔到,咁Nick好好人咁同我去咗又一城個foodcourt飲嘢(啫係仙跡岩),好深刻講咗第二時做嘢會俾幾多錢屋企,我自己會俾3/10囉.如果一萬蚊,咁一個屋企都要3000蚊維持喇.(雖然我有呀哥,同我父親大人的長俸都唔止呢個數,不過始終係我的責任)
點解係又一城,因為六點鐘又要開HKICPA個case competition 個會囉,真係煩.不過好開心係因為可以行吓又一城,K & C有條頸巾喎,不過我無買.咁個case都大致OK,我地四個係1樓間越南嘢度食(叫viet),啲嘢不知幾騎呢,唔係太好食,不過算喇,因為又一城本身根本無乜嘢好食,意粉屋同expo係比較正常囉.米就普通喇.
我有啲嘢想同一個弟兄講.佢係會睇我的日記的.不過佢係唔會估到我講緊佢.點講呢,我覺得唔可以咁俾環境影響囉,信咗主一段年日,唔應該咁unstable囉.我其實好想係星期日同佢講吓,但係我自己又突然覺得佢自己應該明白喎.之後諗番,都覺得自己好唔啱,無理由咁諗,人地唔開心都唔去關心人......
文章定位：
