今日上咗堂9:00鐘的acct301,我三年都未試過上九點堂,為咗見兄弟,無計喇.點知勁難,我一分鐘都無miss過都聽唔明,死喇.
十二點出到去尖咀,以為行半個鐘到一定會到喇,但係有啲人唔知點解time management咁差,本來我都OK想去間El Cid食,(都幾抵,Set lunch 係$68-88,main point係未試過呢間)搞到我係pageone睇書,睇到咁上下未去我親愛的Ruby Tuesday等人囉.今日星期五都唔係好多人,啲lunch由我中五食到而家都未轉過,價錢都未轉過.Ben一點到囉,著咗件我未見過的衫,我今次無食蜜汁燒雞,叫咗個未試過的7oz steak,而Ben塊龍脷真係好大塊,連個waiter都咁話.我今日OK多口,問個waiter係唔係新黎,佢話唔係喎,不過剪咗頭髮.今日啲嘢幾好食,Ben同我講咗好多嘢,反而我自己的嘢無乜好講,因為我的生活除咗揾工就係揾工.其實我都OK激動,希望你唔好介意喇,因為我真係唔可以忍受到某一種人,anyway,如果你要我真係要撘晒膊頭同你講你先會改變,我都會既. 其實我唔鐘意咁輕易俾人請食嘢,同埋你今次都出師無名,早知你請,我就唔叫個steak喇,成舊喎,我都唔好意思.
其實由我勸一個人唔好買貴嘢己經好唔convincing,而個對像係你就更加唔convincing.由去dunhill去到而家K & C都係你陪我一齊買嘢嗰個人喎......嗱,如果係一開始睇果件我就覺得唔值囉,不過係DFS又幾OK喎,隻色又特別喎,價錢都reasonable. 最衰我唔識牛仔褲,都唔識睇,總之條條都差唔多咁. 之後我地因為一個白痴的理由去咗旺角,原來朗豪坊係咁樣既,幾高喎.去咗嘉樂啇場揀con,個sales以為我打波,叫我配副con,我話呢個係假像黎啫,我著個件背心成日呃到人嫁喇(我第三次著呢件Spy,我都想同大家介紹吓呢位本地的designer: Henry Lau,LCX啲衫好多都係佢design).跟住又去埋IT/izzue買褲,我從來都唔係旺角行街買衫,所以都唔係好了解啲style.不過旺角的嘢,我重係好清楚既.
尋晚因為傾case,去咗hollywood plaza間fuzion cafe食dinner,四十幾蚊一個set都OK.我好唔好老皮咁串jessica,因為其實我一路都唔鐘意佢,成日跟住我同tony飲茶,個人又自私又A字膊,黎緊呢幾日趕住交個case重要入camp,前兩日重話因為生日所以唔做嘢(重叫我送生日禮物俾佢,佢真係"砍親"個腦)佢竟然話我無頁獻,我重唔鬧獲金,點知整喊人,真係不知所謂. 我當時無講對唔住,因為覺得自己無錯,但係回家後,覺得應該要講,唔係因為男仔要大方啲氹番女仔,又唔係因為大局著想,完全係因為自己係一個基督徒,覺得應該咁做.
有晚同偉文弟兄icq傾偈,大家都好似講咗自己心裏面一啲嘢出黎,最後好似我感歎重多過佢添.不過,我真係唔係一個好的榜樣,但係我會努力的.
文章定位：
