好多好零星的感受,一係主唔偏待人,雖然自己無入夏令會,但係主依然係三堂的晚堂得著我. 楊生信息有題到好多聚會地方的令會可能要去到第二三日至warmup到,但係明顯係第一晚主己經向我地說話,好感激我教會事先有咁多的禱告聚會,我知道係禱告的時候主己經預備咗我地的心,叫我地不至於浪費了主寶貴的話,係星期六青聚分享時,梁姑娘提到佢地以前仲未有好準確的認識,以致有次去長洲夏令會的時候竟然去游水,經過楊生的房間時,楊生向著佢地搖頭,但佢地仲未知死,玩完之後俾楊生鬧,話玩創晒個心,好難再安靜番,神緃然作工,亦好難入到你地的心.經過三十年夏令會,先至有現在的規模同程序,我地現在呢一輩真係垂手可得,所以應該好好珍惜.
再講感受,神復興咗每一個,第一個分享係偉東,今日我認識的偉東唔係以前我認識的佢,從前的佢仲係小朋友,現今真係成熟咗好多. 余卓智,佢第一次入夏令會,無論係靈修,分組禱告,交通,都俾佢有好大的幫助,眾人都感到佢係一個真心愛主的人. 向華,一個被主打到的人,講情講理,佢係今次夏令會更實際咁改變咗佢,叫佢不再停留知識,願意整個人降服下來,好感謝主. 順達,我所愛的弟兄,提到渴慕的心乃一切的根基,如果無呢個心,一切都係表面,一切都會過去. 郭儀,用一個睇牙的經歷去帶出除罪的屬靈事實,誠然越耐無對付,就越難對付,更加係應該日日省察自己的罪. 桂生導師,提楊生講過話一個人復興常有兩個現像,便是痛哭悔改同徹底降服,佢話係呢個令會主實在係咁樣得著咗一啲弟兄. 其實我又可嘗唔係其中一個,主係呢幾日俾我經歷咗佢的大能,叫我真係可以脫離自己呢個人的敗壞,以前我成日以為自己要脫離係要好大的力量,係無可能的事,但係主真係俾我見到唔係自己的力量,完全係佢的工作. 同去年一樣,青聚的夏令會分享,去到四點半之後,主的名得著高舉.
今日主日都有分享,我唔講多,淨係一句:若有人不愛主,這人可詛可咒. 弟兄,都係呢句.
PS: 寫完之後一個鐘仍然唔捨得瞓,睇番自己以前啲相,特別係大陸個啲,又睇番彥俊所有的日記,再睇埋自己的日記.百感交集.唉,睇番自己個句:羅天維,你去死喇. 又睇番:I know, but I don't know how to respond. 一幕幕的畫面,一次次的背叛,自己對自己最深切的痛恨,奢侈放縱的生活......我真係抵主詛咒.
文章定位：
