星期二上完堂之後入番夏令會,經過兩個小時的車程,終於入到嶺南,本來星期日被編住205房,不過可以調往306房,真係好,諗到可以同弟兄們傾吓偈喎.
現在沒有看著筆記,不過第一晚最記得都係"討主喜悅",保羅立志無論身外身內都立志討主喜悅,自己呢?好慚愧,好似討自己同別人喜悅多啲,其實一想到主為我們所作的,我們應不敢再傷主懷,主一切都是為我們而作,我們能否為主一點. 楊生提到有幾樣罪,一是說謊,我自己都會為咗一時的方便而咁做,二是貪心,講及他自己以前的曾偷過學校一些物品,日後蒙恩得救寫信償還給學校,而貪心這罪竟與拜偶像一様,自己都好驚訝,雖然唔會話貪一啲小便宜(其實可能係自己不屑去貪),但係我都覺得自己都ok鐘意買同留意股票,己經去到一日check幾次價的階段,所以唔應該咁,主己經待我不薄,比好多人好......三係饒恕人,本來一直覺得自己係一個從來都唔認真嬲人的人,但係諗真啲係人地未踩仲我條尾,而自己對人的饒恕也不完全,並非如主饒恕我們一樣,更加的是,我同一個人的嫌隙己經去到好嚴重的階段,根據我自己的認識,己經去到"同佢關係好似做生意,唔會用氣力去得罪對方,唔會在乎,相敬如賓",究竟是否如永鴻所言,係自己仲未放得低,定係點呢,無錯,我係放唔低. 以上一切所講的都不是靠自己去行,乃靠主的恩.
同偉文一間房,未夠十點半其他幾個己經係晒度吹水,講真,我講嘢都好少咁自然,竟然有人好唔自然,我都覺得唔知好嬲定好笑,真係有啲抵俾人串.好欣賞順達好遵守營規,十點半左右便離開,留下我地四個,一開始佢定都有唔少background性的問題問我,我自己最尷尬係答自己平時做乜,我一定係行街,不過當問到行邊最多的時候,我自己好唔好意思答,因為認識我的人都會明白我點解咁諗. 而之後我開始講自己的嘢的時候,即係我啲感情,讀書,尤其係係internship的經歴,佢地應該sense到我係一個點的人,正如永鴻所言,好多人會以為我係好守規則的人,其實你如果而家一放開手,我會即刻變咗第二個人,我自己都係咁諗.慢慢又同佢地講吓教會的嘢,不過都係唔好講咁多,但係我覺得同永鴻討論吓個instruction(佢領略為strongly advised)的時候,真係覺得有點灰. 講講吓又四點八,我地四個人兩張床,真係好難瞓,因為我一半身都係張床出面,差唔多五點幾都瞓唔到,六點九我就起身喇.......
星期三早堂我地四個梗係橫屍遍野,好失敗,自己仲細咩,唉,仲搞到其他人咁. 之後決定唔番一堂英文堂,繼續留係度聽午堂同埋晚堂,都好既.午堂之前怒瞓咗兩個鐘都無,不過可以支持到自己午堂都好專心聽好informative 的教會歷史,結果係講到五點九左右,不過都在預期之中. 晚堂講到將來的恩,我們今生主給我地的恩己經好浩大,但係將來還有恩,但因為我無筆記,所以記得一部份:1.兒子的名份,即神產業的承繼者,"耶和華是我的產業",其實一提相關的經文己經感到好蒙恩,"在信徒所得的基業是可等豐盛的榮耀","不能玷污,不能杇壞,永存在天上的基業",其實即主自己 2.神的帳幕在人間,沒有痛苦,沒有眼淚 3.榮耀賜給我們,其中分不同的榮耀,有一般的,有為主受苦所得極重無比永遠的,有因降卑所給神高升的,有因冠冕的.......其實不止這些,真叫這些都激勵我地的心.
雖然好想留低,但係始終要走,"進入幔內,出到營外",自己好記得歌詞乃"出到營外跟隨卑微耶穌","出到營外供應人的需要". 願主成全各人.
文章定位：
