今朝約左老闆佢地一早７點半出門口（即係香港時間．．．６點半），點知．．．老闆間房成房既人唔知醒呀！！我諗係我識左佢地咁耐，老闆第一次遲到！！勁呀！！最後．．．等佢地等到８點半出門口！
我地行去新宿站搵都營大江戶線，點知搵左好耐，竟然行左去第２個站．．．激死！！
好在我都黎左２次，出站既路難唔到我 ～～ 呵 ～
我梗係帶佢去我最喜歡既”壽司清”啦 ～～ 又唔駛等位等咁耐！！對住老闆呢ｄ冇耐性既人，千奇唔好帶佢去排長龍既鋪！！
呵 ～～ ２年冇黎，好掛住！上次同４強果次東京之旅，試左壽司大，排鬼咁耐，今次都真係咪攪！黎到喇 ～～ 地下果層冇位，帶左我地上樓，我以為坐ｂａｒ台，點知原來上面有ｏｒｄｅｒ台架！！ｇｏｏｄ！！
我地開分２邊叫，我地叫左２個唔同價錢既ｓｅｔ，之後叫左刺身拼盤！等佢黎果陣發生左件事，就係．．．我地叫左個刺身拼盤，黎左老闆果個吞拿魚刺身（３種唔同價錢既ｔｏｒｏ）！之後我地仲要食哂先發覺，佢放底錯左！老闆笑笑口話益我地，心諗．．．都冇話益唔益啦！黎得就預左駛錢！未試過又吞左落肚咪由佢囉！！之後老闆又叫過碟 ～～
我地２個ｓｅｔ都好正 ～～ 我真係覺得好食過果２間排長龍架！！我叫佢地唔好食咁飽，因為樓下地鋪仲有燒帶子食 ～～ 好正架 ！！
呢個就係一食難忘既燒帶子喇 ～～ 真係好正呀 ！！ ５００ｙｅｎ成隻手掌咁大既帶子 ～～ 抵食到爆 ！！
食完帶子，因為聽日築地係休魚期，所以我諗住今日去睇下會唔會有海鮮可以聽日帶番香港！！
最後我梗係買到啦！！我買左３盒大帶子同一盒海膽番香港！！一萬ｙｅｎ咁多野真係抵到爆！！仲有個好正既盒俾我帶哂黎 ～～ 呵 ！！
行完築地，我因為真係好想入ｄｉｓｎｅｙ買野，所以首先飛甩老闆同老闆女，仲話睇下我地行到幾點，約番佢地行新宿！之後我就同佢地去舞濱喇 ～～ 當然淨係去門口果間鋪買野啦！！
去到ｄｉｓｎｅｙ鋪，都幾失望架！因為冇乜ｓｔｉｔｃｈ既野買，我都只係買左個大既擺設！不過 ～～ 大家都有收穫都好開心呀 ！！
之後我地就出發去原宿喇 ～～ 但因為我地４個人太多野拎住，我地決定先去涉谷搵ｌｏｃｋｅｒ，先再去原宿ｓｈｏｐｐｉｎｇ！
點知．．．好多ｌｏｃｋｅｒ都俾人用緊，所以ｍｅｉｍｉ同雪搵左好耐！我地用左９個字左右先攪哂我地手上既野！
終於到原宿喇 ～～ 大家可以ｓｈｏｐｐｉｎｇ！！因為雪同ｍａｎｄｙ都未黎過，所以用左好多時間行呢條竹下通！行到中間左右，我開始餓喇，我帶左佢地去食平既烏冬，唔錯架 ～～ 不過可能餓．．．我唔記得影相！！之後我地就開始講話不如ＳＥＮＤ個ＳＭＳ俾老闆女，同佢講晚飯都唔同佢地食，因為我地都未行夠，叫佢地自己食，之後再約佢地出黎行！咁大家有共識之後就繼續行喇！！
同佢地行完街我先有收穫，因為我要去街尾既ｔｅｅ鋪入貨！！呵 ～～ 入完貨之後，我想行下裡原宿，話哂黎左２次都未行過．．．入到去就見到
ｐｏｒｔｅｒ喇 ～～ 梗係搵左亞浩個銀包先啦！不過見唔到岩佢既色，最後仲打長途問佢果隻色岩唔岩添？！最後就梗係冇買啦．．．
行到中間，我地見到有架賣雪糕既車，我地仲每人買左杯試添！個女仔好得意架 ～～ 我地未買果陣佢不停同我地ｓｅｌｌ，完來佢係想玩整雪糕呀！
不過個雪糕真係好好味！！冇介紹錯 ～～
就係雪隔離果個女仔喇 ～～ 另一邊果個係佢家姐添！！不過中間果個男人佢係咩人我地就唔知喇．．．不過一定唔會係親戚囉！！因為我地有問過，
哈 ～～
行完呢個原宿之後，澎澎聲坐ＪＲ落番涉谷，因為雪真係好想去１０９！咁一定同佢去啦！！不過我仲未達成到ＭＡＮＤＹ既願望去ＳＡＮＲＩＯ，佢真係好想買ＫＩＴＴＹ既野，我仲答佢涉谷應該有ＳＡＮＲＩＯ。
去到涉谷梗係第一時間影左十字路口位既相先啦 ～～ 當然我只係影左一張到此一遊！！哈哈 ～～
之後我就話不如先搵ＳＡＮＲＩＯ啦 ～～ 點知．．．原來涉谷冇！但冇理由架！ＫＩＴＴＹ咁紅，真係冇理由冇．．．ＳＯＲＲＹ！！
之後就同雪去實現願望喇 ～～
點知反轉頭，突然見到有祭典呀！！梗係唔好錯過 ～～ 要影下相呀！！當我地影夠，諗住走，點知Ｄ車跟我地走既方向呀頂！！我地要快行先去到涉谷
１０９ ～～
首先我地上左頂層先 ～～ 雪話一定要試下本雜誌介紹左好耐既乳酪先，而我地就食班戟 ～～ 唔錯喎！！都幾好味，不過ＯＲＤＥＲ果陣有Ｄ雞同鴨講囉！！明明問佢可唔可以換另一隻雪糕味．．．不過算啦！！唔識日文係咁架喇．．．
之後我地快速行完１０９，快速咁番去新宿，突然老闆女ＳＥＮＤ個ＳＭＳ黎話叫我地快Ｄ番，話老闆同佢個仔就黎訓！我地心諗話同你行咋嘛，無啦啦關你媽同仔咩事呢．．．
因為我地太多野，所以都係番左酒店放底哂Ｄ野先，我就打電話去佢地間房話番左黎啦！原來．．．老闆同佢個仔一齊出黎行街喎！！
我地首先去左百果園，我地每人食左串生果！！我選左食哈密瓜，真係超級甜呀！！之後仲唔夠喉，我仲買左串菠羅添！！正呀 ～～
之後我地又行２４小時既ＤＯＮＫＩ，因為雪話好想買果個ＭＡＲＣ
ＪＡＣＯＢ袋，上到去．．．連老闆女都有收穫，仲成功飛甩佢媽同佢個仔，唔錯！！大家大有收穫，終於可以食晚餐，初時諗住每人買隻蝦番上房食，點知原來佢話坐底食同外賣一樣買價！！ＯＫ啦 ～～ 入去食！！ＹＥＡＨ～
咁鬼大隻蝦都係４８０ＹＥＮ咋！真係抵到爆！之後我地仲叫雞翼、燒魚、天婦羅、燒帶子同埋燒尤魚架！！
之後老闆女同我地講，佢兩母女出既餐錢，全部都唔駛我地俾！！果一刻諗都係唔好當真住～～哈哈哈！！
食飽飽之後，大家就番酒店收拾自己既行李，準備聽日走喇 ～～ 我因為唔係太多野執，我沖涼先！！雪繼續努力下，點知我出黎果陣，我見佢仲執緊（因為佢太多野喇．．．），我叫佢不如執到咁上下，你試下關埋佢！睇下會唔會關唔到！點知唔關仲好．．．一關就開唔番．．．仲試左兩次添！我幾驚試完第２次都開唔番呀！！後黎我地攪左好耐先開得番個O急！
文章定位：
