１２／０９　東京之旅開始喇　～～　ＤＡＹ１＠八景島＠Ｎｉｇｈｔ　ＣａＴ　ｃＡｔ　之家

2008-09-18 00:02:38| 人氣204| 回應1 | 上一篇 | 下一篇

１２／０９　東京之旅開始喇　～～　ＤＡＹ１＠八景島

推薦 0 收藏 0 轉貼0 訂閱站台

玩完麵包超人之後就出發去八景島喇！轉左２次車先到！都ｏｋ啦　～～　呢道真係冇乜人！仲有海風吹下，好舒服喎！

入到去，初時老闆話同老闆女出面等，黎到竟然等．．．係因為小麥訓左！後黎又話俾入場卷入去涼冷氣都係抵！最後決定同我地一齊入去！

因為我地去到果陣都成４點，所以我地冇買全場票，只係買左３個館既票！買完票個女仔又同我講一堆我地唔明既野．．．算啦！反正黎左都好開心！呢道係我全日最期待架！！海豚我黎喇　～～～

首先第一個館係好似海洋公園既海洋館！超級多魚睇，之後仲有企鵝同北極熊。睇完之後我地等睇海洋劇場！！點知老闆女突然話玩機動遊戲，佢地又陪佢癲，仲足埋我去添！其實都只係好似滑浪飛船既野，但係我真係唔想玩！當然我個心係想睇劇場咋嘛！最後我都有跟佢地落去，不過我堅持冇玩囉！

玩完之後仲要急腳上番去！因為開始架喇　～～　上到去岩岩好！好正呀　～不停都有海豚跳黎跳去　～～　好開心呀！！

白海豚真係好可愛　！！　

之後就到灰吻海豚啦　～～　好勁呀　！！　游得又快　！！

睇完之後我地去左海豚館，入面真係超細呀！！同海洋公園既鯊魚館係冇分別架！管入面有３條灰吻，仲有一條圓柱入面有條白海豚！

我明明見人地可以同白海豚影到正面合照，同Ｍａｎｄｙ試左好多次都唔得！失敗呢．．．

出到館，老闆突然間話走，我都Ｏ哂咀！我仲有一道好想去架．．．就係有一個館可以摸海豚架！！天呀　～～～～

之後我地去左鋪睇下有咩買之後，就走喇．．．ＢＹＥＢＹＥ喇！！

初時老闆諗住我地去橫濱站食完野就番酒店ＣＨＥＣＫ－ＩＮ，諗住去番食晏果個商場入面食壽司放題，點知我地去到果道係好出名既築地玉壽司呀！唔怪得咁多人啦！果個人話要等起碼一個鐘之後！見佢黑哂面，我又發揮我ＳＰＡ既精神，俾幾個選擇佢．．．番新宿食啦不如！

最後我地去左我ＰＬＡＮ聽日食既六歌仙燒肉！雖然提前左一日，不過有得試都ＯＫ啦！！

去到好好彩唔駛等位，不過佢地話放題太貴，散叫好Ｄ！咁我不嬲都冇乜所謂架啦！最緊要有得試！！

最後老闆叫左兩份牛肉，兩份牛扒，兩份什菜，兩份牛舌，一份海鮮燒餅同埋３個茶漬飯，真係飽到上頸呀！！最尾仲話有甜品送添！雪笆　～～　正呀！

ＰＳ：好明顯係正到唔記得影相啦．．．

食完之後，決定番酒店放底哂Ｄ野，我地再行動！出去果陣，個ＲＥＣＥＰＴ好冇禮貌咁叫我地放底鎖匙！我地第一次住，點知咩事喎！話我地知出去要放底ＫＥＹ咪得囉．．．咁冇禮貌既！！之後我地周圍行，間間鋪都關哂，之後決定去ＤＯＮＫＩ！

ＤＯＮＫＩ係２４小時一棟５層高既鋪頭，我地４個人由頂開始行！行到去４樓，雪睇好耐野，我地３個決定行住等！叫佢去小食果層搵我地！

我地行到最底果層（地庫）等左雪成半個鐘，覺得唔對路，決定搵佢！由頂搵落黎，點知行左３次都唔見佢，之後我地又落番地庫等！最後因為大家都真係好攰，決定係門口等多一陣就番酒店！

去到ＲＥＣＥＰＴ問佢拎鎖匙，點知話我間房果條有人拎左，即係雪番左黎啦！正諗住上去同佢開拖，雪就話佢都搵左我地好耐！我可能太攰，淨係俾左個反應佢同佢講等左好耐，我就唔理佢！我決定去沖涼！一路沖涼一路諗，算啦！佢都冇理由扼我！佢應該真係有搵，不過唔知有地庫囉！我決定沖完涼同佢講！當然大家最後都冇野啦！點知．．．講講下又３點（即係４點架喇）！第日仲話要６點半（７點半）出門口．．．

我要檢舉

台長：夜貓貓

人氣(204) | 回應(1)| 推薦 (0)| 收藏 (0)| 轉寄
全站分類: 不分類 | 個人分類: 2008年東京之旅 |
此分類下一篇:１３／０９　ＤＡＹ２＠築地／原宿．裡原宿／涉谷／新宿
此分類上一篇:１２／０９　東京之旅開始喇　～～　ＤＡＹ１＠橫濱

回應(1)

Ｎｉｇｈｔ ＣａＴ ｃＡｔ 之家 多謝大家留意我的一舉一動 89愛的鼓勵 0訂閱站台

１２／０９ 東京之旅開始喇 ～～ ＤＡＹ１＠八景島

Ｎｉｇｈｔ　ＣａＴ　ｃＡｔ　之家多謝大家留意我的一舉一動
89愛的鼓勵 0訂閱站台

１２／０９　東京之旅開始喇　～～　ＤＡＹ１＠八景島