24h購物| | PChome| 登入
2008-10-15 23:45:28| 人氣93| 回應1 | 上一篇 | 下一篇

１４／１０　ＤＡＹ３＠淺草／上野

推薦 0 收藏 0 轉貼0 訂閱站台

今日比尋日晏左少少行動，９點先出門口！我地首先去左淺草之後先去上野掃貨！

原來老闆話佢今日都幾期待，因為今日２個地方佢都未去過，佢講完之後我既壓力突然大左．．．

我地首先買左去機場既車飛既，之後先出發！！坐ＪＲ去到上野，再轉車去淺草，都好方便！！
我地一出淺草站就即刻搵野食先　～～　個個都想食早餐！！哈哈　～～　老闆提議話不如食喬麥麵，我地就選左其中一間鋪喇　～～

都幾好食喎！！雖然我第一次食熱既喬麥麵，不過真係唔錯喎！仲有蝦天婦羅食添！！
之後我地就入雷門寺喇　～～　我地梗係唔係黎拜神啦！！都係黎掃手信咋！條街多人到爆！可能今日係星期日啦　～～　周圍都聽到廣東話．．．

佢地又買左Ｄ野　～～　而我．．．一樣都冇買！！哈哈　～～　我留番Ｄ錢等陣上野先掃！！
我地行到又差少少過時，之後我地見到有冰條，我地４個每人買左條黎食！！

ＰＳ：ＳＯＲＲＹ呀ＭＡＮＤＹ，你呢張相真係唔得．．．但係得一張咋！
哈哈　～～
我地去到上野喇　～～　首先我梗係帶佢地去搵伯伯先啦！！伯伯既磯燒帶子好平架！！點知老闆女話佢同個仔行玩具鋪！！我地唔理佢帶老闆就走喇　～行左陣就搵到伯伯喇　～～　大家都買左好多野！！

之後再黎就帶佢地去二木之果子啦　～～　大家又黎掃貨　～～　勁平呀！！買完老闆先走，我地就繼續，話約幾點係頭先玩具鋪門口等！我仲係二木門口既水果鋪買左個蜜瓜！

我地又掃到唔知時間喇　～～　我地去到玩具鋪門口唔見佢．．．咁就等一陣啦！點知原來佢地已經去左食晏喇！我地就入去鋪搵佢地！
呢間係食蛋包飯！我就叫左個咖喱豬扒飯　～～　佢地就叫蛋包飯！！味道唔錯！！原來老闆係二木出黎果陣掃左Ｄ長腳蟹添呀！之後ＭＥＩＭＩ忍唔住，叫老闆帶佢去買！！哈哈　～～　大家都收穫豐富！！

食完之後我地諗住番去酒店再執一執Ｄ野，之後我、老闆女同ＭＡＮＤＹ去搵
ＫＩＴＴＹ，而雪同ＭＥＩＭＩ再睇下有咩買！！
我地番酒店其間，突然見到有個ＭＡＬＬ既門口圍哂人，原來雪話係當紅既
ＭＯＤＥＬ喇　～～　之後我地睇左陣，影左張相！點知有條女好冇禮貌咁整我隻手話唔影得！！駛唔駛咁大力呀！！

俾人趕完我地就行番去酒店喇　～～　放底野同ＭＡＮＤＹ再出去．．．點知去到冇佢買既野！失望呢．．．不過老闆女都有努力，帶埋佢去依勢丹，不過冇都冇辦法．．．真係估唔到唔係間間有．．．
我地番酒店會合番之後，就慢慢推去巴士站喇．．．而老闆佢地一家就坐的士！因為我地覺得太貴，所以寧願行去．．．

我諗大家行下，休息下，足足推左４－５個字，佢地坐的去到超快，仲話大概５０蚊港幣！但係我地４個既行李．．．睇黎係要坐２架囉！！

去到機場都唔係太早，我地仲有Ｄ錢，可以買埋Ｄ散銀！上到機就勁訓！尋晚都唔係訓得好好！我地班機都唔ＦＵＬＬ，不過一上機就開始訓！都費事轉位！

一起身原來已經派左小食喇　～～　蝕添！！醒左冇幾耐就派餐添！！食完又再訓．．．

到左香港之後，老闆女話車我番屋企，其實係東京我已經ＳＭＳ俾亞浩叫佢黎接我，之後臨上機叫佢唔好黎接！好在夠時間ＳＥＮＤ！！

終於２點番到屋企　～～　３日２夜玩完　！！

我要檢舉
台長： 夜貓貓
人氣(93) | 回應(1)| 推薦 (0)| 收藏 (0)| 轉寄
全站分類: 不分類 | 個人分類: 2008年東京之旅 |
此分類下一篇:２００８年東京之旅＠手信篇
此分類上一篇:１３／０９　ＤＡＹ２＠築地／原宿．裡原宿／涉谷／新宿

我要回應
否 是 (若未登入"個人新聞台帳號"則看不到回覆唷!)
* 請輸入識別碼：
請輸入圖片中算式的結果(可能為0) 
(有*為必填)
TOP
詳全文