小蜜蜜╭☆ 感 情 的 事 很 奇 怪。 你 很 投 入 的 時 候﹐ 對 方 很 抽 離。 你 很 抽 離 的 時 候﹐ 對 方 又 偏 偏 很 投 入.

693愛的鼓勵 0訂閱站台

※早上的節目※

今日一早起身就係為左要去飲早茶,其實邊有咁神心啊,
係為左要約個長輩親戚幫我同王小浩睇相,
所以就特登約係朝早囉,老人家通常早起啊嘛..
結果親戚話王小浩會包二奶添!!!= =;(好金)
仲話我會旺夫囉,次次睇相都話我旺夫啦~~
有邊個唔係咁講啊,所以希望係真咖啦..^^
旺夫最好就益埋子啦...哈哈
個親戚就叫我要睇實王小浩,就可以避免佢包二奶,
而最好就係28,29結婚咁囉,大致上都係咁,
係時間講下今日飲茶情況,我表弟....『加強版』....
由於佢越大越似我細老,而且比我細老更加為食,
個人又比我細老更多加懶惰,而且越大越肥,好搞笑..
所以我就改左佢個名...
叫做『加強版』....哈哈哈
佢都不知幾利害,一開始就搶先食點心,我見佢好博命咁..
哈哈...而我就好死,我對D點心興趣嘛嘛,
講真,飲茶就香港好味好多,所以平時鐘意飲茶的我,
都唔多精神,而王小浩食野就一向唔多揀擇,
所以佢都食得多過我,不過我知道佢都好眼訓,
精神唔係太好,成日打`乞次`,又留鼻水.....唉..
之後我地就行返屋企,都唔算太遠啊...
行行下王小浩同盛仔一個話想食菜肉包,一個就話食蓮容包,
但估唔到喎,個菜肉包可能因為仲新鮮出爐啦,
真係幾好味啊!!但個蓮容包就麻麻地囉,因為凍咖,

※下午的節目※(特別人物:文兄~細舅的朋友~)
今日下午,媽媽有約會,但竟然係去唱K.....幾勁啊!!
媽媽同左佢D舊同學去唱K,其實去到都係聊下天喎,
而我就叫文兄請我去唱K同洗腳(洗腳=腳底按摩),
本來只係請我地去洗腳,但洗腳只係80分鐘,
所以仲有好多時間,咁文兄話不如去唱K先,
我梗係話好啦...哈哈
講下唱K先啦..間房都幾大下啊,仲好新添,
D歌都唔係太舊,而且價錢仲好抵下喎!!!
佢地收費唔係計人頭費,係計房間,一間大房折左之係,
$140元,唔係每人喎,係全張單喎,咁當然唔計飲品啦,
飲品就自已再買咖,我地六個人,平均每人都係24蚊,,,抵!!!!
總要有獨立廁所喎,可以比三個勁佢~~勁勁勁~~
之後我,王小浩,細舅同文兄就去洗腳啦...
王小浩話今次這間舒服好多喎,我都覺得係,
但地方就無我屋企樓下個間咁乾淨囉.
但幫我按摩那個女人就好懶下,遲利早走,
王小浩那個就一早入左利按,但仲遲過幫我按個個走,幾衰!!
算啦~~~我地都期待今的節目!!咁小事,影響唔到我心情.^^

※晚上的節目※(特別人物有:佳琳同)
今日文兄請左我地咁多節目,所以晚上我地就請返佢去打邊爐啦!
我地去左食牛肉火鍋,好好味啊!!雖然全部都係牛,
但真係好好味,我地都好鍾意食個到D沙嗲醬,超好味!!!
講起都想再食囉,但王小浩就好似覺得嘛嘛地咁啦~~
加強版就繼續表演佢加強版咖本色,搶食啊,同好心急咁囉!!哈哈!!
我地之後就去左買雪條,牛奶味咖!!都幾好味啊.^^
可能今日節目實在太豐富啦!!搞到我都唔記得今日飲過早茶,
我地食飯個陣,仲約左文兄食海鮮啊!實在太開心啦!!
每次返到去,都好怕無節目,如果日日都係咁,
就勁開心啦~~~~~