小蜜蜜╭☆ 感 情 的 事 很 奇 怪。 你 很 投 入 的 時 候﹐ 對 方 很 抽 離。 你 很 抽 離 的 時 候﹐ 對 方 又 偏 偏 很 投 入.

693愛的鼓勵 0訂閱站台

日期:2005年9月8日傳媒及旅遊業試玩(其實係比迪士尼試玩我們)Q~Q

人物:蜜仔&梁小

昨天我約了梁小十二點在青依城等,但人算不如天算,最後要我在一點

半回旺角等她=~=; 唉...小職員就是這樣,怕等的我,堅強地等到她.

我們在欣澳站等車的時候,已經很雀躍地拿出相機,那列車就像明星,

一到站,嘩..D相機閃閃下咁.但上到車我同梁小都覺得好普通,裡面

沒有想象中咁靚,第一步已經有小許失望.

一落車我地仲歡天喜地咁影下相,見到咩都影,但真係勁晒,好熱,我

見光即刻擦防晒,好驚晒黑啊!!梁小仲好醒咁戴左副黑超,唉..我無

得戴啊..好辛苦咁行=_=....

入門口真係要查手袋咖,我打開左個袋,佢又唔係太敢打開睇裡面咁,

只係不斷咁摸我但袋出面,我好守規則咁,只係帶左支水,我地去到都

已經兩點八啦..兩個女仔,大家都無乜計劃去邊,四周圍行下行下咁,

見到有冷氣就入囉..哈哈..第一個節目就係睇巡遊,D氣氛都OK,但真

好多人,大家真係好鍾意影相,但我部相機竟然無電啊!!一定係因為

之前心情太興奮,見到乜都影,所以咁囉-︿-...

睇完巡遊D人好快跑去玩遊戲,個個都好醒,都知道而家跑去玩,肯定

唔駛排咁耐,於是梁小高速咁跑去玩飛越太空山,我就跟住佢跑...跑

到去條隊到,我立刻停步,叫梁小自已玩,我等佢,因為本人比較細膽,所

以我情願呆呆地等,寧死不玩..雖然梁小係咁叫我玩,但我好堅決咁SAY

NO,之後梁小話:你一定玩到啊,一D都唔激,話D星星好靚咁囉..

我第一樣就係玩左巴斯光年,都幾得意啊,要射D怪物,射得越多越高分,

唉..梁小話唔知自已射梗乜,但都高分過我...-︵-

其實我自已都知自已事啦..我實在太細膽,我見到地圖上森林河流之旅

有個感歎號!!!然後睇解說話感歎號係代表此設施可能對小孩做成驚嚇,

我即刻有D擔心,但又只好死撐,我無話比梁小知話我驚驚地咖,怕比佢笑

我無聊同幼稚,但行到去排隊,我見到D船,我又覺得都唔係好得人驚,玩

完仲覺得幾搞笑啊,最精彩都係睇米奇幻想曲,戴住副眼鏡睇咖,真係好

逼真咖,唐老鴨食梗野個陣,真係有D香味噴出利咖,落到海底,又會有D水

噴出利囉...D魚仔好似係你前面咁,我仲有用手摸下佢,喂..唔係得我咁

做,我見到其他人都有咁做,梁小仲話見到我係到避開D怪物..自然反應

嘛...哈哈..總之最值得睇就係米奇幻想曲.

我禽日一路玩已經一路諗我要寫D乜,結果我覺得會係一篇論文,好長,但

係真係好想寫...好啦,咁繼續..

其實我未寫我要等幾耐先有得玩,唔好以為好開心,其實玩每樣都要等,

條龍長到你唔信,想同維尼,米奇影相都要等,諗住夜D影啦,條龍都係好

長下,唉...結果無同維尼,米奇影,連巴斯光年都要排啊!!一個都無影

到啊...我想玩轉轉杯,但梁小話會轉到頭暈,所以我都話唔玩啦,其實

我都想玩小飛象咖,但梁小覺得—D都唔激,好白痴,加上又要排隊,所以

都無玩到囉,最後睇的表現米奇金獎音樂劇,睇這個表演真係金囉,佢話

八點十五分開始,但我地七點半去到條龍已經長到暈底,仲要話個有限額

咁,好彩我地都入到去睇,但係...淨係等啊..都等到死啊!!諗起都驚!!!

最後到睇煙花啦,人又多,D人又高,已經企定位啦,點知有兩個男人好快

咁閃左係我同梁小前面,我忍唔住,係到嗌:嘩..好高喎你地,完全遮住晒

,佢兩個無賴,竟然扮無野,正一賤人,欺騙我地兩個女仔,鬼唔望你比煙

花炸死...(講下笑遮)^_^

終於講走啦..走的時候就好似係羅胡等過關咁,好多人,要分批走,唉...

迪迪尼總廣播話希望我地好快會再利,D人話即刻話唔駛錢咩!!!我地試

玩都搞成咁,真係要比錢去玩,講真,真係要諗下先啦,朋友成日問我好唔

好玩,我地都覺得仲辛苦過返工,有無見到明星?!PRC就有大把,我咩都

無買,咩都無食,係度多謝梁小請我飲橙汁,整過旅程雖然好累好熱,感覺

有D似輪米,但我一見到維尼,米奇同佢地其他人物就好開心咁笑,迪迪尼

令人又愛又恨.(完)