小蜜蜜╭☆ 感 情 的 事 很 奇 怪。 你 很 投 入 的 時 候﹐ 對 方 很 抽 離。 你 很 抽 離 的 時 候﹐ 對 方 又 偏 偏 很 投 入.

693愛的鼓勵 0訂閱站台

燒烤:

話咁快就第三日啦!!!今日我地依然係要早起身,因為又有活動啦~~
今日的活動就係去BBQ啦~~~`lee`個活動,係我每次去汕頭的指定動作!!唔去唔舒服!!哈哈....因為好玩囉,多數都會同埋我表哥一家人去,
今年第二次見到個b女,佢真係幾得意咖...又大個左啦!!
我地朝早大概8點起身,真係仲早過返工啊!!
但係我就好精神,唔覺得疲倦喎!勁啊!
今次買野就係媽媽同細舅搞掂,飲品就由表哥提供,
而今次我細表妹都有去,我同媽媽都覺得佢應該出多d街,
所以成日叫佢一齊去BBQ,佢都幾慘咖,成日只係同KITTY玩,
放假只留係屋企睇電視同溫書,所以見識真係好小,
個人學野都慢好多,佢同加強版真係一個相反詞!
加強版醒佢好多,(講梗玩個方面,讀書我就唔太清楚!)
王小浩禽日係卡啦OK個到教佢玩大話骰,
教左佢一次已經識,仲玩到唔肯停!!!我都學得無咁快!= =;
由於我地人數多,咁結果就係我,王小浩同盛仔跟表哥車,
我表哥手車,好鬼辣下,我之前都已經見識過,好令人佩服!!
而媽媽佢地就坐三輪車,細舅就自已開電單車,
媽媽佢地要坐船先到燒烤場個到,但我地就唔駛,自家車始終快d....
由於我地早左到,表哥就車我地周圍睇下,可能佢地就覺得無咩特別,
但表哥車我地去個到,係我地細過去過玩的地方,
個陣我同佢都好細個,我仲記得佢搶我d餅乾食添!!U_U
重遊舊地,感覺好奇怪,可能都有成十五,六年前啦!!!
今日佢都已經結左婚,仲生埋個女添,個人定性左好多,
而我就仲係咁.....哈哈...仲好得人鍾意..哈哈~^^~
去到燒烤場個到....哦...原來又係我以前利過,勁啊,條吊橋仲係到!!!
以前同佳琳,細舅佢地一班人利過,已成過去,由於家家有本難諗的經,
好難解釋,要好似以前一樣咁齊人,已經無咩可能,
可能要到我結婚或者盛仔結婚,咁就會有可能囉!!!
去到個到,一開始都幾亂下,d野成日燒都濃晒,我地又心急喎,
所以亂左一陣囉,而王小浩,盛仔同媽媽就覺得好難燒囉,
汕頭始終唔同香港,無郊野公園,無免費燒烤爐,要比入場費,
租爐費,連檯同凳都要租,佢地更加唔可以缺少工夫茶啦,所以又要租...
燒法都唔同,成日用支竹纖利燒,所以好難燒啊....
但我都燒得好高興啊!!我覺得燒牛肉同雞翼最好味~~~
雖然係到BBQ無香港咁方便,但係我就覺得開心好多,
始終香港無乜親人,平時得我地自已一家人,其他親戚都係汕頭,
所以人多梗係熱鬧D啦!!
我燒到一半,加強版就成日撩我去玩吊橋,
加強版:儀姐姐,你夠唔夠膽玩吊橋啊?
儀姐姐:你去玩先啦,我未食完.......(其實內心真係有D驚,我知我一行出去,`lee`個肥豬仔就會係咁搖.....==)
佢問左我幾次我都係咁避.....但結果我都去左玩,
其實都唔係咁得人驚....而且加強版比盛仔同王小浩捉住利玩,
加強版即刻係咁想走人.......哈哈哈...到我問返佢啦...
儀姐姐:加強版你夠唔夠膽玩吊橋啊?
加強版:.................(唔出聲...笑笑口...係咁走)
我地由朝早就玩到下午四點幾就走啦~~
由於表哥佢地早走左,所以我地就全部要一齊坐船啦,
坐船個陣好搞笑,好多人都爭住企船頭位,因為可以睇風景嘛...
咁我地當然都去睇睇啦,咁我又費時同D小朋友爭,
但我就幫我細表妹爭左個位囉,佢小出街嘛,比佢開心下都好啊...
點知後來.......好搞笑,船駛到差不多到的時候,
好大浪咁,浪花一朵朵....前面D人就好似走難咁,雖然我唔係企得好前,
但我都全身濕濕地,個個情形真係好搞笑,好似明日之後咁,
於是我都忍唔住....係到大笑...^^...我地BBQ就係吋濕住身結束啦.

晚上的節目:
今日夜晚我地就無特別去邊到啊...去左屋企附近食野囉,
除左爸爸同舅父之外,我地全部都落晒街食晚飯,
我地去左食王小浩期待已久的牛丸河,仲有沙嗲撈牛河,
又係牛...但我就一D都唔覺得厭,仲覺得好好味,
我地大家都覺得好好味,特別係王小浩,佢話今日個餐最好味喎..
但王小浩好為食,佢仲話不如去食腸粉喎...嚇死人!!!
我就話..算啦,返去拿雪條啦~~~
結果我地就返屋企,一人食一支雪條啦~~