難民營 you can find manying here~ welcome to manyings’ PChome

63愛的鼓勵 0訂閱站台

22/10/2005
由1998年等到今時今日我都終於開始行我ayp銀章野外鍛鍊....
真係等到頸都長埋=_=
兩點係東涌地鐵站等....一點左右去到東涌食lunch
唔知做咩鬼,無咩胃口=_=食唔哂一個飯lor
之後就去地鐵站搵人喇...因為個個都唔識的~~
去到見到梁sir,諗緊唔會咁好彩佢黎幫手掛~~
又見佢企左係一堆旅行團既人堆中
咁我就搵左ayp既同學仔放低左我既行裝先過去打招呼啦
點知佢一見到我就問我"咦!你玩ayp呀!"心諗佢無理由知我去東涌做咩嫁
咁我就問佢"你唔係黎帶ayp呀???"跟住佢就話"係呀!bu嘛!"@o@
呢個世界真係大,咁都俾我係ayp撞到ac既人~~
仲有個鄧sir~~我記得佢好似係我recuit時期教過我既
不過咁耐既野,大家都唔係好記得lu
之後兩點鐘等齊人就分組出發~~
我d組員一知我有經驗就推左我出去做組長=_=
之後亦都因為我係最早出到去拎野既組長....黃sir明玩我...叫我睇埋其他組長=_=
我係a組組長..a組同b組要一齊行跟住梁sir~~haha
一路行都係咁同梁sir吹水^^
無耐就到第一個目的地~~點知個巴士站無左個時間表=_=
之後就再行去我地今晚既營,今晚係宿營嫁~~~
去到都要等埋其他組,一去到就參觀左個營舍,細到呢
只可以容納三十二人訓覺加多兩個獨立床位
之後就上左陣map reading既lecture,有點悶
因為我都唔知聽過幾多次....教都教過一兩次-.-
但係我d組員真係totally唔知做緊咩^^"
之後就每組出發去買今晚既dinner,雖則係宿營
但黃sir想我地try下係野外煮食~~so今晚dinner都要自己煮=_=
我地a組係以我一貫既作風"十下十下"既~~不過唔係我提議嫁~~
係我組員zoe講的~~
返到去聽梁sir講左陣field cook要注意既野就開始預備dinner~~
我地係最快有得食既一group人
比instructor還快^o^但d instructor有雞,有魚...好豐富
食完就要搞個route chat?搞左好耐.....
d instructor一路食飯我地一路係度做...
做到差唔多九點幾,d instructor食完飯我地又再開始lecture
先係教紮營,紮過n咁多次....仲要係蒙古營
易到爆炸~~~唔知點解我可以徒手將個營釘釘入去個地度
反而我組個男仔唔得lor=_=女仔唔得,我都無咁奇怪
但係果個係男仔lor唔該....四粒營釘都係我釘的=_=
釘完梁sir先話釘一粒is ok...=_=
跟住係繩結.....又是學過教過n咁多次...
不過都學左d新既方法教繩結~~~~^^相信可以令人容易d明白~~
亦都學左d新打繩結方法^o^
有梁sir既星星魔術~~神奇呢~~仲有就係更快速打稱人結同雙套結~~大開眼界~~
原本以為要整埋個route chat先可以訓..原來佢其實都只係俾d野我地做下先
梁sir有個好方便去度距離既儀器~~果然high tech呀~~~
十一點幾就去沖涼訓覺lu
原來d instructor有宵夜食,因為佢地煮唔切d蟹...
見到有熟人帶ayp,覺得好好玩~~而且佢地係由我細細個睇到我大
而我都係睇住佢地大的@.@根據黃sir的講法~~
我覺得我好似變番做細細個咁~~haha好開心