難民營 you can find manying here~ welcome to manyings’ PChome

63愛的鼓勵 0訂閱站台

23/10/2005
今日要七點九ready出發~
之前幾點起身食早餐都無人理
琴晚訓得唔係咁好,唔知點解..好似有d凍>_<
zoe又話間房好似監獄咁^^"
訓下醒下咁...朝早六點八仲要俾人嘈醒左>_<
我諗住六點九先起身lor
去左煮通心粉,因為我記得琴日有人講過要買早餐的=_=
但係今朝黃sir又話佢地無提過早餐呢樣野=_=
我d組員就出哂去食早餐
煮完早餐,洗好野,執哂pack,出到去等....
仲有兩個字時間,係度睇電視,唔知做咩咁早會做卡通片....
七點九所有人準時到齊
之後就係分組坐,講左d first aid既野..真係簡單到不能再簡單
淨係講左俾蛇咬,俾蜜蜂針同俾蟹鉗點做
同教左包三角手掛同大手掛,再講左個first aid kit要有d咩咁就完...
我地分組用一個鐘出左去東涌炮台睇野,之後返去報告
行左個炮台外圍一圈,雖則黃sir講過話唔比上去~~
但我地呢d求知慾咁高既又點會聽話呢~~其實都幾危險的:p
睇睇下就有間小學黎參觀,咁我地就走lu~~有成七個字行兩個字既路程
hea住咁行....返到去岩岩好
唔知其他組d人點睇野,明明得六支大炮,又話有七支
黃sir話第七支係車大炮=_=
報告完之後就講今日係梅窩既活動喇
我地1115出發去巴士站坐巴士,要係1215去到巴士站
但係去巴士站既路程只需要十五分鐘=_=
雖則佢地有叫我地去睇個侯王廟,但都唔需要咁耐lor
早左十五分鐘到.....等車時又同梁sir吹水~~
上車訓哂覺,仲諗住可以坐得鬆動d,點知黃sir係咁迫我地坐埋哂一齊lor
一路訓一路feel到我係撞到阿cat嫁lor
去到梅窩就自由活動,最終係1530返番碼頭
我地組去左銀龍食lunch,見到上次同阿樂佢地入梅窩camp時個女仔呢~~
食完lunch1405出發,我地係要係梅窩行一個圈
有四個主題可以睇1)橋2)古蹟3)教育4)生態
生態係超多野講lor~~我就鍾意古蹟多d~~
所以我地組係睇左兩個主題,我睇古蹟,zoe睇生態
有個舊更樓~~可以入去的..但係好似好踐咁,都係放棄左入去既念頭
之後我地就發覺原來我地用左三十五分鐘去行左四分一既路程=_=
我地得番五十五分鐘去完成四分三既路程
咁我就係咁趕~~佢地就係咁影相
係鹿地塘既時候應該係行錯左路的,但係兜兜下又行留岩bor~~horhor
之後見到c組,佢地同我地同一方向行同一路線,點知佢地信錯左個路牌
而我地組就因為路在口邊,所以就超前左佢地^^佢地早過我地出發的
去到文武廟就以極速影左d相~~走人,出到去上次渡假果邊就熟路喇~~
好快好快咁行~都無理到佢地跟唔跟到lu....
有時都會係d路口位等一等既,不過真係等一等lor
之後就行行行~~~係仲有五分鐘既時候都差唔多回程~~
影埋個chruch就走得人,咁我就趕出去碼頭啦~~
點知佢地好似好悠閒咁行....激死>_