11/6/2005
今日晨早七點要入到沙田-.-
佢地仲約六點三係火車站....為左訓得耐d
所以決定自己去~~六點三先起身~~haha
係車上面收到rainbow電話,佢係太和趕緊出黎
仲話搵唔到阿觀,打俾阿觀,佢冇開電話lor=.=
amy又話火車站冇人wor,叫左佢自己過去先
費時個個都遲啦~~~
個個都唔firm係邊度等,佢地就係體育館等仲順便換埋衫
而我見我落車個位都近運動場,所以就過左去睇睇
見到艇會d人~~call埋佢地過黎
咁我就去左換衫同去買早餐食
搵唔到路入惠康lor=.=餓到有d暈暈地~.~
買左個蛋糕仔就算喇,因為都冇咩時間.....
過到去,佢地話到左,但我同大佬都唔見佢地lor
原來佢地係入面,而我同大佬就係召集處
rico佢地話打左去阿觀屋企都冇人聽,十成十係唔知醒啦
好彩臨時搵到joey扒jar,唔係成隊都冇得扒呀~~~
joey係七點三果時坐的士飛出黎~~換埋衫就趕住咁入去召集處
都真係幾趕嫁,大會又話要齊人先入得wor
咁我地就企哂係召集處門口等joey,見joey咁耐都未出到黎
咁我就跑入去搵佢~~咁岩佢就出黎喇~時間真係岩岩好~~^o^
初賽我地果組有八隊,頭四名都可以入final~~
一開始有兩隊都過左人地條線
有一隊仲離譜到打橫左隻艇@o@
另外果幾隊都差唔多咁上下,但去到中段ive就已經帶出左~
而我地就同左手邊果兩隊係度鬥~~但去到中後段
我地都領前lu~~最終以小組第二名入左決賽~~^o^
係tvb既鏡頭前面~~我地係咁叫係咁揮手,完全係搏上鏡lor~~haha
上到岸有燒豬食ya,仲有任飲汽水同水~~好似係大會安排的~~
好正呀~~自己斬燒豬呀,斬到隻豬都散哂~~kaka
十點就要決賽lu~~我地好認真咁去傾戰術~~~
阿觀成九點先到lor=.=
今次等左好耐先有得落艇,因為之前果場係耆英
大會話要俾多d時間佢地準備wor~~
我地見等咁耐就成班坐左係地下,又再confirm多次戰術
終於到我地喇~~~又係第六線呢~~初賽都係ya
不過今次d水流好大,搞到d艇係咁向哂左邊
搞左勁耐先開到賽=.=
一開始,我地隻艇就向左左手邊前進=.=扒左一段先可以去番自己條lane^^"
open果兩隊同ive一早就帶出左,領前幾隻艇位~~勁!!!
bu聯隊都唔弱bor~~我地就同其他幾隊墮後左係度鬥
唔知係咪因為初賽太落力,今次扒到一半就開始冇力喇~.~
加埋我要負責嗌幾時出力幾時放鬆,嗌到聲都沙埋..........
最後我地好似係第七~~都算係咁啦~第一年玩~~
都真係幾好玩bor~~下年都想玩呀^o^
埋岸之前我發起左潑水,wakaka好多人都俾我潑濕左~~^o^
而我只係中左一野,我地仲玩到差d反艇=.=
今日城門河d水dirty到呀>.<反左艇既話我諗要去消毒喇
上到岸係度影下相玩下咁
開頭拎左d水淋一淋自己,因為d河水實在....>.<
但淋淋下,見佢地係度擁抱阿觀~~~咁我就索性照頭淋佢啦
雖則佢冇換衫~~就當係罰佢今日唔知醒啦
個電話擺係床頭都聽唔到,佢都算勁喇.....
去左體育館沖涼,沖完涼就去左咩咩海鮮坊飲茶~~~
因為太肚餓喇,係咁叫佢地快d叫野食
阿觀同rainbow佢地搞左好耐都唔俾張點心紙人lor
咁我就叫左佢地俾住一張先啦
好在俾住一張先jar,因為第一輪都廿五籠點心
有蝗蟲部隊都差d清唔哂~.~
原本諗住買蛋糕同rico補祝生日,但因為果度附近咩都冇
所以我地就以良叉燒包代蛋糕同佢慶祝~~haha
飲完茶就各自返歸喇~~但joey約左人四點幾又唔想返屋企
所以想搵人陪行沙田,但係俾人串lor~~haha
人地又唔識做wor~~去左坐299返屋企喇.....wakaka
返到屋企即刻訓番佢兩粒鐘先~~
因為琴晚差唔多三點先訓,今朝六點幾起身
仲要做左咁劇烈既運動,累到死呀~~>.<
文章定位：
