10/6/2005
好正呀~~琴晚勁早訓
今朝十點先起身~~補番哂之前果晚唔夠訓~~haha
起身就執野check out lu~~
去左酒店隔離既一間類似快餐既舖頭食早餐~~~
睇佢既裝修都ok wor~~幾乾淨~~
以為佢d價錢同香港差唔多啦~~
點知一睇@o@d水牌有好多得果位數
白粥仲要係兩蚊jar,皮蛋瘦肉粥都係五蚊~~~
炒麵九蚊,但超大碟~~
叫左個籠包,係唔知咩肉包,一籠有兩個包~~但係價錢真係平到有d驚
係兩蚊jar~~~~~~~~@o@
所以我地兩個人食早餐只係用左十八蚊....係香港係邊度有得食呀~~~
食完早餐係珠海再行多陣就返落澳門
珠海澳門過關都ok方便~~~但係有個怪現象
就係d人明明係珠海過緊澳門,但行到一半就爬過d鐵碼
過番返珠過既通道,並唔係一個兩個人係咁做
而係十幾個人都係咁做,仲要好似好熟手咁tim
唔知佢地搞咩鬼
返到澳門第一站去左林則徐紀念館
之後呃左阿媽行左去國父紀念館
因為我話好近~~所以要求行過去,點知一行就行左半個鐘^^"
不過都好,無意中發現觀光塔既平飛~~平左廿蚊一個人嫁~~~
係中途仲飲左涼茶,睇完兩個館就去左個花園睇蓮花
唔知蓮花係咪澳門既市花呢??好似係~~
睇完蓮花就去左睇消防博物館~~~好正wor~~
行左咁多個餉之後發覺澳門d博物館間間都係一層起兩層止
仲要每層都唔係好大,有d係一眼睇哂
睇完消防博物館,就諗住坐的士去大賽車博物館~~
因為都唔知坐咩巴士去~~~
點知係行緊既中途發現左個溜冰場,都ok細wor
同香港海濱果個有得fight咁細,見到一間mc記就去左食杯雪糕~~~
又見到一間機舖~~^^又想入去玩...又係阿媽係度....
去到大賽車博物館~~好多比賽車睇呀~~好正~~
如果有得坐上去就好喇......如果有得開下車仲正~~~wakaka妄想中........
之後因為俾人屈埋去葡萄酒博物館
試左杯好刺鼻既酒>.<發覺我真係唔多識欣賞紅酒bor~~
睇完呢兩個博物館就行左去金沙~~
嘩,果度真係旺到呀~~難得係澳門一次見到咁多人同咁多的士
其實係澳門想搵架的士坐下都ok難,因為難得見到一架車
係金沙要放低哂d行李先入得去=.=都好既唔駛拎住哂咁麻煩~~~
入到果時好似係機場入閘咁...保安既嚴密度同機場有得fight~~
wakakaka,賭場係十八歲以上人士先入得既地方~~~
我竟然俾人check身份證wor~~haha
因為佢地以為我未夠稱lor~~^^"佢問我幾多歲
我先醒起原來我都廿一歲喇.........仲有人以為我唔夠十八~~
係賭場遊左一個圈~~~諗住book位食dinner buffet啦
點知佢竟然話冇得即場book,要打電話book=.=
記得果位姐姐仔係咁講"book位唔係我地個部門負責嫁bor"
真係好想問佢你咩部門負責d咩嫁
好奸仔地唔拎行李住~~輕輕鬆鬆去觀光塔
去到觀光塔食左個tea先上去~~不過都ok貴呢,兩個人食左一百零幾蚊@.@
都係果句"係香港都未咁豪"
上觀光塔,架升降機門係透明嫁~~即係一路上一路可以欣賞下周圍環境~~
但係我冇啦啦諗起玩跳樓機,突然間好驚架lift會急跌=.=
真係驚嫁bor.....手心都出哂汗=.=|||
上到58樓真係睇哂成個澳門~~^.^三百六十度的~~~
仲未驚完架lift,行到去d玻璃望到下面既位置
驚~.~唔敢行....有試過一步半步啦
但下次我要行哂成行~~~>.<
再上多幾層,去到六十一樓
係可以行果個叫"空中漫步x版"
即係著住安全帶係觀光塔既外圍行一圈
出面係冇扶行嫁...得大約一米闊既位你行,都真係咪話唔驚~~~
咁岩有一班人係出面行,從佢地既行為可以知道邊個係驚
邊個係膽生毛~~~
遊完觀光塔,阿媽無啦啦話想去議事亭前地~~
去到果邊~~d屋真係幾靚,但係有d似銅鑼灣,唔知係咪臨近假日
好多人wor~~~行到七點左右就搵車坐去金沙喇~~
因為dinner會係金沙食buffet~~~入去果時又俾人check證~~hehe^^"
金沙既buffet只係二百零八蚊~~加埋一都係二百二十幾
個場真係好大~~~好多野食~~d魚生又ok wor~~唔難食
不過壽司d飯就差左d喇~~~
又有生蠔,又好多cake,有中式,西式,印度都有~~@.@
食左好多魚生呢~~kaka抵呀
最尾就係食左朱古力火鍋~~個鍋係出邊
整完d野食就拎入位食~~d綿花糖浸朱古力幾好咪wor~~又唔係太甜~~
不過要等d朱古力乾左先好味~~~
九點幾就走人lu~~因為訂左十點半船返香港
點知好快就有車,好快就去到港澳碼頭~~~
咁就坐左十點船返香港~~返到香港係地鐵度訓死左~~~~~
返到屋企上左陣網先訓~~
文章定位：
