12/6/2005
由1998年8月某日開始
我就係度等考獨木舟中級.....堂都上哂
等緊考試果日,到左果日點知個個甩哂底=.=
所以我就由果時開始等到今日都終於開始上中級章喇>.<
九點入到西貢市,坐的士去大環村~~
原來係去海豚上堂,去到得我,fanny,angela同vera
我地換哂衫,個教練又check哂我地三星既章
其他人都仲未到lor=.=
差唔多十點佢地終於到喇,有eliane,ho yee,golria,阿威(唯一一個男仔呢)
仲有一個唔記得左名:p
落水第一樣學既係上落艇,同三星既有d唔同
有個係用槓桿原理的,有種快速上艇既~~
比較鍾意快速上艇,真係好快,又唔駛用手wor,方便到呀~~~
落艇有三種,一種係槓桿原理,一種係單腳快速落艇,一種係雙腳快速落艇
比較鍾意雙腳快速落艇,因為基本上係跳出黎~~超好玩呀~~~
練完上落艇就到單人近岸清艇法
入哂水既艇都真係幾重嫁~.~不過最後都死命搞掂^o^
之後就係單人x拯救法~~比miss叫左出去做示範做被救者~~kaka
跟住就到我地自己練喇~~我同fanny一pair~~
我救fanny先~~第一次清艇....隻艇重到呀....
轉唔到呀>.<仲差d倒哂d水入自己隻艇度
好在有人幫一幫~~wakaka
最後都算係成功搞掂~~之後就到fanny救我喇~~
叫左miss埋黎教~~真係好詳細既解釋呢~~~
都算係成功做到~~~救完人再玩左一陣就上岸食lunch喇~~
救人呢part都用左幾多力^^"玩完呢part就肚餓喇=.=
成班一齊食~~miss都黎左呢^o^
成班人都好nice~~miss又講左好多野俾我地聽~~^^
一點半又再落水~~下晝主要係練壓水平衡
miss將呢個動作分左幾個部份教~~
仲教埋我地正確係應該點坐係隻艇度同握掌手法~~~~
完全明白,因為miss講得好明好詳細~~
之後練下隻手d動作先再將成個動作合埋黎做~~
冇啦啦miss要我地form艇排,點知我地亂咁黎form
俾miss話我地唔記得哂一星既野~~~haha,鬼咩七年前既野wor-->我
又要我地做多次~~今次得四分鐘要扒同form艇排~~
我第一個去到呢~~所以咩都唔駛做^^
第一下做壓水平衡都有d驚嫁~~~但開始左一兩次發覺miss講既野真係做到
而又真係唔會cap艇~~咁就開始大大膽咁做喇~~~
做左幾下開始high high地,一high左個人就亂黎喇=.=
有一野做左miss口中既拍水平衡,miss之前都講過咁樣會傷膊頭
咁我就真係傷左膊頭喇=.=仲要cap埋艇tim....
成隻右手即時痺左@o@唔move得.....
miss即刻走過黎幫我做d test~~^^隻手向前提起有d痛>.<
miss叫我抖一抖先再繼續.....咁我就慢慢倒番d水出黎
再hea左一陣先上番艇,再扒左一陣先再練壓水平衡
一定要記得唔好再拍水=.=開頭都唔敢做番右手
係咁練左手,練到左手熟左d喇
先再敢慢慢用右手壓水...好在冇事~~haha
之後再練行進中既壓水平衡,不過都唔係太敢落得太多~~
但係後來發覺真係可以落好多都平衡到~~^_^而且隻艇入水入得越多就越易做~
但隻艇越多水就越難平衡=.=
之後因為另外一班個阿sir要早走,咁miss就要睇埋佢地
冇咩時間睇我地喇.....咁我地就係出d既位置自己玩~~
又再做多次x拯救法,因為之前聽左miss既詳細講解
今次做得輕鬆左好多^o^
四點幾我地就上岸清艇同沖身
搞到五點幾先搞掂哂,miss話我地今次pass係岩岩係margin度~~
要再練多d~~仲講左中級銀章既裝備~~
差唔多六點先走得,出到去西貢市~~好多人等緊小巴出彩虹
我同fanny就買左d野食一路食一路等~~~
八點先返到屋企,落左街食飯
原來好多人睇獎門人都會大笑,食間餐廳度,個個笑到大大聲~~
唔掛得之咁受歡迎啦
文章定位：
