一雙一對的耳環,分別落左一男一女的身上.
每次這一男一女見面的時候,那雙耳環就好像團圓了.
如今其中一個掉了一隻,那另一個再戴著亦好像意義盡失了.
那可能是天意吧.
有時候朋友會問我,'今天沒出街嗎?'
我說:'沒街出'
然而那些人會追問下去,好像發現了一個好話題般,'男朋友不陪你嗎?'
我說,'返緊工,'又或者'唔知呀,去左玩呱'
'下,好少見咩,唔似你喔'佢地問.
那刻除了苦笑,我不知可給他們哪個表情.
有時會想,'係呢,點解我今日又自己一個人呀?我好似有個男朋友架喔,
明明都叫有拖拍丫,點解總係無街出呢?今日做咩好呢,不如一個人去睇下戲,
買下野啦'
然之後,總係比朋友笑,又或者讚我獨立,
'我享受一個人呀,唔得咩'一聽就知係我藉口啦.
就係咁,先打完場.
堅強同獨立,我根本都唔想係咁,現實0者,我向現實低頭.
無人陪,咪一個人囉,使死咩.
然後,我習慣了一個人生活,有時候會忘了,原來自己在蜜運中.
有時都想同你一同出席你朋友既酒局既,不過你總係比到一個'我阻住你'既感覺.
唔關心你咩?我又唔覺.每次你要去玩,無錯丫,我唔會阻止架播,但我次次都會叫你早d返,因為你要返工,叫你飲少d酒,你都唔會聽,你說你身不由已.
咁我仲可以用咩野表達到我關心你呀?見都見唔到,唔靠說話可以靠乜?
我想紋身,就正如你喜歡著卡通t shirt一樣!
有咩分別!你話紋身唔好,我夠覺得著卡通tee唔好囉.
你話我唔准紋身,紋親就死,我話,我紋0者,又唔係紋0係你個身上,
我紋身又影響唔到人,個人喜好,你都鐘情於卡通tee囉,
開頭你著我都話你,依家都無啦,由得你著,咁我明白到你真係鐘意我咪隨得你囉,
你爸爸媽媽都係紋身人仕,你唔准我咁做都係你個人慾望0者.
就正如你唔鐘意我箍牙,你以前話我箍就唔要我.
你明唔明我以前成日唔小心咬損曬自己d牙肉呀?
長期生飛痱既感覺你知唔知?呢d叫唔叫係你個人唔鐘意而唔准我做?
無錯,在我失意時,你總會在我身邊.
現在,在我最失意時,你正在跟你的朋友玩樂聯誼你們的感情.
你有無好好聽過我既感受?你有無實質0係我身邊支持我?
你有無花多d時間去陪下我呀?
答案係無.我要講自己感受時,你話我小事化大,話我無野搵野黎嘈.
我有病,你唔0係身邊;
依家你放工,都已經唔會黎搵我,以前唔駛我開聲叫,你都會好自動自覺入黎見下我,
你累,電話一響,你都會同你d朋友去玩.如果你無街去留0係屋企,傾一陣電話又話好累要訓覺.
我係咪講得唔岩?你覺得我唔岩你可以反駁我,到今時今日,我一定要講出我心底真正既感覺.
我都好想你休息下,可惜你好似覺得唔用盡所有精力時間唔心息咁,
唔累到行唔到,你都唔會返屋企,我可以點保護你?
陪你一齊玩到盡,定係鼓勵你玩多d,咁呢d先叫唔比壓力你?
你可以認為我係大女人,因為我唔夠小鳥依人,我唔夠大陸d二奶勁,
我只認為,你要在我身上得到你想要的幸福,必先令我安心下來,
你無諗過要同我妥協,你一步都唔想退,如果你改變到你生活既習慣,
我諗我地會好好多囉.但你堅持你的一套,即是我已經比下去了,
如果我是最重要的話,我想,我要求了這麼多次,你總有一次會做吧,
但到今時今日,大家知道大家都存在問題,出現危機,
你還是可以堅持你這一套,那麼,你最想要的,不是我,而是你自己,你的自我,
你的尊嚴,他人對你的認同.
如果要說起我沒有還你的尊嚴給你,那麼,我的尊嚴早也不見了,只是你不發覺.
愛一個人,根本沒什麼尊嚴可言.愛一個人,為他做的事,根本就是令自己沒尊嚴的.如果你執著你的尊嚴,那麼,你根本不愛我,你愛的是你的面子,你的聲名.
你不能令自己快樂,就正反映這段時間你根本令我不快樂.
你有沒有想過,我為什麼一下子變得這麼冷淡?為什麼我好像變了?
因為我不快樂.
然而我不快樂,就直接影響著你快不快樂.
如果你改變了你的生活模式,我會過得比較快樂.我一直這樣想,只是你從不會為我而去做.
我可以有能力建設這段感情前,必先看到你有一個正常比例的生活模式,我才有動力像堆泥沙般堆砌我們的感情.
算了,說了也沒用.反正我這些你只認為是廢話.
我明白你怎樣想了.你已經變成了一隻灰心的小鳥,
你也飛不回來的了.
那麼,我會離開香港一陣子.
希望在我離開過後,大家的思想也會有所得著..有所啟發吧..
我想,我必定不能留在這個地方,離開,有時反而是一件好事,
至少,可以令自己知道,有什麼是最不能失去,有什麼是不可缺少的..
BY B
文章定位：
