星光.月光.日頭光 天暗的時,感恩有星光.月光.照阮的窗仔門;天光的時,期待有日頭光陪伴阮 ~寫部落格記憶走過的痕跡,分享一點心得~

585愛的鼓勵 1訂閱站台

 

對我來講得獎siong7 歡喜的是有機會kap閣卡濟人分享阮的作品，主要的是我作品內面 beh 表達的想法。動物是咱的厝邊、咱的好朋友，in只是 kap咱的形體生作無相siang5，in kap 咱仝款有靈魂、有感受，in 會凍感受咱的愛，當然ma7會感受人類帶hoo7in的驚惶kap痛苦，卡輸咱na7了解這點，咱tioh8 be7去 ka7 in thai5來食。

 

 

 

蕭伯納講：「對動物siong7大的罪，m7是討厭in，是無看到in的存在，對in『不聞不問、麻木不仁』」大藝術家達文西ma7講：「有1工，人人會kap我仝款，ka7 thai5動物kap thai5 人看作是相siang5，thai5動物kap thai5 人m7是2 回事」。

 

 

奉行素食主義的偉大科學家愛因斯坦，伊勉勵咱擴大咱的愛心，自然咱會疼惜所有的生命。我想beh講：「hoo7 動物自在、快樂，咱ma7會得tioh8自在、快樂。請大家選擇慈悲、高貴的生活方式，也就是素食的生活方式。」我真正無了解有人會凍疼惜企鵝、貓熊、狗a2、貓a2，為何be7凍疼惜牛、豬、羊 ? 甚至是雞a2鴨a2鵝a2？

 

 
 
尤其是咱美麗的地球當the面對氣候變遷，暖化的問題愈來愈嚴重的今a2日，真tse7專家攏指出素食是對抗暖化siong7好siong7緊siong7有效的方法，改變飲食的習慣m7是困難的代誌，全看咱是m7是有智慧kap決心選擇慈悲、高貴的生活。