哎~ 幾日都冇咩野upload上黎，並非因為工作忙，茶實都係系屋企，搞其他野，系屋企：食飯、睇電視、睇書、聽ＭＰ３，咁就晚上十二點，跟住就訓覺囉。
講番今日中午，有一位好朋友黎約我系公司附近食lunch，因為佢今日黎開呢頭工作，雖然時間唔多，但係我地都傾左唔少野，總括黎講佢係叫我要好好為將來打算一下，直接d講就係兩個字「儲錢」，而且最重要唔係用就咁擺系銀行果種儲法，佢形容果d唔係投資，係理財。
首先，呢位係我好朋友兼舊同學並都是基督徒，其實我明白你都係一片苦心，但係我想表達既就係唔係每一個人都係要做到咁樣，好似世人咁為工作而工作、為搵錢而搵錢，而且你問我將來咁d屋企人、第日我成家立室的話，咁我會點樣丫？
坦白講，我一早遇左自己會過一些低層次的生活，但我知道有一樣野有錢都買唔到既，就係主賜的喜樂。
跟住你問我如果我五年後都係咁，冇變過，咁我會點樣丫？
坦白講，其實我真係冇諗過五年後既我係點。
之後你又問我有咩野想搞？有咩未來方向、大計？
坦白講，我甘於現狀，有穩定的工作，只要唔阻礙番聚會就得喇。
然後你又估我一定有錢凈？咁我又問番你何以見得我有錢凈呢？當時你見我咁問番你轉頭就好肯定咁回應話睇我就知道我一定會有錢凈，你仲話我起碼有「咁多」。
坦白講，我冇，唔係扼你，其實我知道有時錢呢d野夠用就得喇。
一直落去，你又話睇我而家對比起以前欠債累累，而家有權可以做一些我之前唔能夠作既事嗎？你問我係唔係覺得我現在可以主動有權做呢野(即係你苦口婆心勸我作的事)？
坦白講，我最清楚係主將我改變、拯救了我，唔再成為世界的奴隸，可以用四個字黎形容的得救的見證，就是「別債重生」。我認定了我一生的[主權]都係屬於主既，「現在活著的，不再是我，乃是基督，在我裡面活著」。
坦白講，「貪財是萬惡之根．有人貪戀錢財、就被引誘離了真道、用許多愁苦把自己刺透了。」神的話好清楚「人若賺得全世界、賠上自己的生命、有甚麼益處呢．人還能拿甚麼換生命呢。」可能系你既角度睇咁做係為將來，我知道你一定唔同意我咁諗，我知道你一定say no，我知道你一定覺得我誤解左你，你認為你咁講根本唔係咁意思，我明白，其實我根本沒有資格去論斷弟兄，所以我只表達我的方向。無論如何，我絕對唔會去浪費時間去追求呢d必壞的東西「不要為那必壞的食物勞力、要為那存到永生的食物勞力」所以我真係冇諗過、亦絕對唔會做你勸我做的事，我相信主會為我預備一切，我只管憑信心往前行主為我預備的窄路，但係我知道你一定唔會迫我，你係我好朋友，我一定明白你。
吾…又好似你話，想有一天幾個朋友仔大家坐埋一齊，向著自己的理想進發，一齊同聲話：「好！我地要囉d有剩的錢出黎，擺系果度。(依稀記得意思係咁上下)」
坦白講，一個人不能侍奉兩個主，不可同時侍奉主又同時侍奉瑪門！我今日向你幾次都重複一句話：我唔想自己個心博命搵錢，我知道我… (跟住我向你講唔出了)。唉 ~ 其實見你讀完書番黎剛做第一份正職，我都十分高興，但係我好想同你講：我地要好清楚我地既身份係一個基督徒！
坦白講，如果我信主前後的分別不大，生命上冇咩改變的話，就有好問題！一個重生得救、成為新做的人，唔會再去追求屬世的事物，因為我地既指望唔係呢個短暫的人生，乃是盼望將來未見的。我唔會忘記我是怎樣蒙恩的：這是一個活生生真人真事的見證，有一個青年人，中學畢業出來工作，沈迷賭博，過著沈淪的生活，最後欠下咭數，人生沒有盼望，後來經歷主耶穌基督奇妙的拯救，最後終於被主的大愛感動，悔改、信主，得著充滿喜樂、平安的人生，一生決志永遠跟從侍奉主。我正是這個青年人！
想番當時，我面對著你，根本都沒有咁大勇氣向你完完全全講晒我心裡面想講的，因為我知道，我講，你可能會笑我，而且我就咁講，我知道憑我自己一定未必可以完全對現出來，但我知道一切都盡在主的手裡，祂是掌握明天的果一位，知道主會給每一個人都有唔同的帶領，無論你點諗、點睇、覺得我冇咩大志都好，我都堅定不移，因為「惟我深知所信的是誰並且也深信，祂實在是能，保守我所信託祂的，都存備直到那日！」
＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊
今天晚上有家禱會，向主祈完禱，心情都唔同d，哈哈！求主在我們每一個人心裡作工，雖然散左會，但係主的道，主的心意，在我們心裡都永遠唔會離開「你們要讚美耶和華．要稱謝耶和華、因他本為善．他的慈愛永遠長存。」願主保守我們所領受的、所感動的，直到永遠，奉主耶穌基督之名‧阿門‧
猶如鹿
───
猶如鹿渴慕清涼的溪水，我的心也真渴慕您自己，
惟有您是我心所愛慕，我正切慕敬拜您，
您是我力量與盾牌，我的心只有向您下拜，
惟有您是我心所愛慕，我正切慕敬拜您！
(我都係比較深刻呢個版本)
文章定位：
