今天晚上做了一件早已經想做、又明知要做、但遲遲都未take action去做的事，就係聽番早幾個月缺席的聚會帶，令我再次醒誤，對付「罪」一定要徹徹底底，與神不喜悅的事情劃清界線，否則會成為我們專心跟隨主的障礙。
楊先生說起：我幾年前有個夏令會呢，我就見到一個青年人，咁有機會同佢傾下計既，後來我講下呢個青年人，係對果d歌星黎講呢，好瘋狂既崇拜，咁顯出而家既青年人對歌星既果個既心態，咁其實d歌星未必識佢架喎，佢講到去度邊度就追到邊度，甚至當時佢係學生黎之嘛，都送好多禮物比果d歌星，或者過萬過萬咁送既，我都唔知道佢點解咁多錢啦，即係顯出d人係咩呢，佢對d歌星呀好似偶像咁丫嘛，瘋摩著佢丫嘛，咁佢都黎夏令會，黎聽，佢聽到神的道，佢都難過，佢都悔改，佢曾經好似都將呢d歌星既唱片，或者都消毀多少，或者個態度都多少變，但係我都見到佢個悔改唔係好深，唔係好徹底架，黎對付呢d咁樣既偶像、心裡面既偶像，冇認真去拆除，咁又來夏令會，我前後見佢黎過兩屆，連續黎兩屆，以後、呢幾年，完全失蹤晒，夏令會冇黎啦當然，講道聚會有冇黎呢有時人多我都唔知，咁夏令會比較容易接觸佢，有同佢傾過計，有時我想到呢個青年就係咁，似乎夏令會蒙多少恩，有d起色，但仲未曾徹底去悔改、擺脫呢d偶像、擺脫呢d神所唔喜悅既事，咁果d咪成為網羅囉！佢會唔會係因呢d失敗呢，或者仲有其他原因，洗佢失敗呢，我唔知，但係無論如何，呢個青年人，佢悔改都唔係咁深，唔係咁痛悔，所以果處地方還有一ｄ勢力系果度，可以抓住佢… 求神比我地睇到，唔係剩係微微有波金果d經歷，哭一場，甚至好似有d獻祭比過神，但係果處地方，未夠徹底，所以求神比我地有個心，真係同罪惡、同主所唔喜悅的事、同世界既事情、同世俗既、系情慾既等等的事情，有個好大的決心，「一刀兩斷」，同果d野勢不兩立，絕對絲毫唔可以存係我地果度，咁然後我地個心，咁樣去侍奉主、咁樣跟從主，你先至實在，我地唔可以一隻腳踏兩隻船，又唔可以侍奉主、又唔可以同時侍奉瑪門，一條心，成個心比晒過主，咁樣服侍、咁樣跟從，然後神的恩隨時隨刻系我地身上，咁樣彰顯出黎～～～
我所遇見的，
－有時未必係歌星，就係與歌星同等程度黎影響我的人事物
－有時未必送好多名貴禮物比歌星，就係送左好多我為主而活的寶貴光陰，浪費左
現在主仍然等候施恩與我，就好像使我今日還有祂的話！
文章定位：
