感謝主讓我認識我只不過是一個「器皿」，至於係一個怎樣形容既器皿，我深知道主自有定奪。整個過程可以用「緊迫」兩個字來形容，因為我在星期五預約左睇骨科醫生（是淑貞姊妹家傑弟兄介紹我的），我之前行過兩次山後左腳膝蓋都有刺痛的感覺，我以為自己未必可以咁快預約到星期六的，點知最後都可以約到星期六排到十二點九，順便請埋假。星期五的晚上將零碎的草稿打在電腦上，知道第二天唔洗番工，跟住就訓了，星期六早上靈修過後，好有感動想聽番之前下載的一堂訊息，用了一個多小時聽，十點幾就同爸爸二人去了飲茶，估唔到星期六早上都咁多人唔洗返工，最後十二點先走，返到屋企拿拿臨換衫再用極速抄埋昨晚打既草稿，十二點八立即“飛的”出旺角，比醫生檢查後，原來我只係好輕微的關節勞損，唔洗照Ｘ光，食一些補充營養丸，做番適量的運動，我問佢游水好唔好？佢話好！因為游水係冇壓力狀態的運動．之後幫我安排埋物理治療，我連兩點五的祈禱會都趕唔到，亦都婉拒了天維弟兄的飯局，唔好意思，要下次喇！聚會前終於都可以到達福音堂，一開始我有ｄ唔自然，唔知點解，不過當睇番張草稿上第一句「器皿」，對！我是器皿。講真，我沒有預備安排唱幾多次詩歌、及節數、禱告的內容，我知道主會透過聖靈幫助我，在台上我感受到有些源源不絕的供應，連預備左ｄ草稿有些都沒有講，而有些按主即時比我的感動來說，我唔知道怎樣形容，我只係想到一個境象，「我是一個唔識踏單車的細蚊仔，主不時用手扶持我，我就安心住前，唔知主幾時放手、握住，但我肯定知道主沒有離開我半步。」再次感謝主的恩典，使我能透過領詩歌來服侍主。
這次經歷過後，我明白只是一個開始，以後都要繼續竭力追求、好好學習。但我仍要警醒、防備．不可輕忽，因為我知道在我裡頭有些不好的意念，就是「驕傲」──這是一個陷阱．仇敵會用盡任何方法，把我拖垮，但我仍要仰望主，「少年人用甚麼來潔淨他的行為呢？就是遵行神的話」．「你要逃避少年人的私慾，用那清心禱告主的人追求公義、信德、仁愛、和平．」能夠完成托負，一切都是「神的恩典」，榮耀頌讚歸給神！仇敵你休想來破壞。
今日玉璟姊妹是第一個問我尋日做主席點呀？唱邊首詩歌呀？我都願意分享我怎樣經歷主的扶持和幫助，領唱兩首詩歌：驚人恩典、不再是我．
坦白講，叫「主席」真係唔係好習慣，都係叫領唱詩歌的弟兄會比較好．
其實我都學習緊一樣野，就是不在乎人點睇，只在乎單純地討神的喜悅，希望大家客氣的說話唔好多講，免得我撻落陷阱；不過，如果係有任何不恰當的地方，我必接受．求主多多指教．
＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊
在今天的訊息聚會，林生提過的詩歌：－
http://ihome.cuhk.edu.hk/~s045644/wish_spirit_fire_recover_me.htm
