不過信祂
感謝主…感謝主…感謝主…好感謝主呀！今天又蒙了神的恩，是主賜下這個好寶貴的機會使我阿媽能夠來聽福音，能夠有一個柔軟的心願意來都係我第一、亦都係我惟一，切切先仰望主作的工，也為我代禱的每一位弟兄，「些些」你們！
昨天....我阿媽話如果我阿爸肯去就黎喎，而我阿爸就唔想黎！不過又好奇妙，我阿爸幾個月之前同我哼過一首古老的詩歌，話細過聽福音唱過既：.....主....現在...現在.....主....現在.....！我就在電腦比佢聽"頌主聖歌---現在就主"midi，佢既反應係…笑(好怕羞果種)，仲立即搵張"被"遮住個頭。,不過我知道我阿媽如果冇爸爸都可能會去，因為佢兩年前都是她一個人同我黎過聽福音一次！我相信主會安排、造就。雖然佢還未應承我(又未知我會陪佢一齊黎)，但我聽日點都會同佢飲茶，之後先黎 ^-^ 不過我就冇諗過、冇擔心如果同佢地飲完茶之後，佢地唔黎，我會點樣...一切交託！！！
終於，我阿媽都來了，真是主的恩典，我的心，不望她來聽一次就相信，只願她能聽進去，叫那福音的種子撒左好土裡，我知道我坐阿媽側邊係有意思既，就係不容許有任何仇敵來騷擾，我用主給我全幅的救恩兵器、堅拒撤旦！「來吧！」我打！「快走開！」雖然聽福音的過程中我阿媽都有少少不集中，有時候唔敢正視林生，無論如何主都看顧她、憐憫她！祂必保守屬祂的人！
所以我唔係焦點在果效上，只叫神的話能進入她的心房。我記得上星期的佈道會是蘇文生先生講的造就訊息，聽者都好集中，好易受神的話所感動，一切都是主的恩典！令我都想起，人相信福音，其實唔容易、但又唔係難，因為主已經預備好晒，等人接受、相信。有時侯係因為我愚昧，以為某d愚頑人、惡人，一定唔會黎聽福音，就算真係黎左都未必可以相信，咁我就攔阻了主的工，不敢邀請人來聽福音。在主面前我都要好好謙卑、學習。
散會後由影霞姊妹陪談，(兩年前係梁姑娘)，咁影霞姊妹好友善咁同我阿媽交通一下，並勸她多來聽福音、聚會，如果得既話，而且可以同我一齊讀聖經，佢反應都冇乜唔ok，咁佢就坦白表達佢既難處，係因為佢奶奶即係我阿麻要佢過時過節拜偶像，佢知道有衝突，呢個就係佢表達出黎既疑慮。咁影霞姊妹都好用心地解釋，有時你想搞掂晒d問題先黎信，咁有排都唔洗信啦，因為我地都冇辦法去搞掂呢d問題既！坦白講，其實我知道呢個都係原因之其一，而最大的問題就是她知道如果好似我咁信左主，就要放棄一切，她心目中認為人生必要做的事，都係果d屬世的歡娛野，例如：打雀…等，都係果d害人害命的賭物！最後傾左幾分鐘咁上下就差唔多了，我都覺得幾好，有時唔可以強迫！
好！再次為左主咁樣待我、和我家人，讚美主的作為！要繼續仰賴主！主呀！求您賜給我有「絕對的信心」堅定地仰賴您！無論如何，您永遠都活在我心中，我也永遠藏在你裡面！主！我永遠屬您～
同阿媽一齊離開了，跟住阿媽就自己行街、買野！我就歡歡喜喜地回家，途中不繼哼著讚美的詩歌～～～
不過信祂
────
被罪壓害，人人要來，救主在此等待，
祂要救你，安你心懷，只要你肯信祂。
不過信祂，不過信祂，現在要來信，
祂能救你，祂能救你，現在要救你！
「倚靠耶和華的，必有慈愛四面環繞他。」(詩32:10)
文章定位：
