前幾篇post 出0黎0既 <黃昏流星群>, 係我0係幾年前陪朋友去 x熊之家0既漫畫屋度偶然咁望到. 最初仲以為, 咦, 個作者弘兼憲史, 之唔係<課長島耕作>個作者? 驟眼睇個書名仲以為係愛情故仔. 點知睇落去, 至知唔係0個回事。 最初睇完之後, 都打左個突, 感覺有d震撼, 因為 1. 估唔到漫畫都可以有咁0既題材 (呢個係因為本人眼光太淺窄0既緣故) 2. 0個位「身先士卒」0既阿伯真係死狀恐怖 :P
0個陣好記得0個個故仔, 不過冇特別諗起。我以為自己已經唔記得左. 直至睇到李天命 <思考與思考之上> (ps: 我極之推介呢本書), 講到對佢自己0黎講, 人生0既價值係繫於"情"上, 個故仔先至慢慢由個腦度load 番出0黎.
關於人生0既意義同價值, 其實以前都諗過呢條問題, 不過我就真係冇認真諗過, 通常諗兩諗, 轉個身就會訓左-- 唔係講笑, 係真ga. 0個陣0既生活無而家咁多憂慮, 又恃住自己細個大把時間, 過得一日咪一日lor. 挫折同埋困難係有, 不過都無傷大雅, 都係順順利利就過左。 不過前一排見到一d 事, 又另外發生左一d 事0係自己0既身上時 (當然, 唔會係愉快0既事la. 開心0既又點會諗0野呢?), 令我開始懷疑自己0既價值-- 雖然未至於要好似故仔入面個主人翁咁去到咁極端 (當然, 我亦都唔會咁做), 但係個心真係唔甘心咁就過左一生, 又唔知如何自處. 人生0既意義同價值, 就變成其中一個要認真去諗0既問題-- 雖然而家至諗有d 遲.
物質同感官上的追求, 會發覺越追越唔夠; 千方百計去得到別人0既認同, 結果自己身心疲乏但又唔享受-- 所以撞過幾次板之後, 就會發現追求物慾或者取得認同唔係自己最想要0既0野. 但係有一樣0野係肯定0既, 就係當有我覺得重要0既人離開自己 (包括離世或者疏遠自己), 我就一定難過到死..... 呢d 人以前存在0係我生活0既時候係開心, 但失去左之後, 就係唔知點解久久不能釋懷. 我承認情感關係 (泛指親情友情愛情) 係對我好重要0既. 但係點樣做為之好, 為之處理得當??? (呢條問題臨訓都未諗到...)
相遇, 離開, 變化都係必然0既. 今日係'true' 0既0野, 明日可以係'false'. 已經變成false 0既0野, 你最多可以話'以前係true', 但絕對唔係一個可以執迷過去0既理由。反而做人要珍惜現在, 以減少未來潛在0既遺憾.
文章定位：
人氣(20) | 回應(0)| 推薦 (
0)| 收藏 (
0)|
轉寄
全站分類:
不分類
