24h購物| | PChome| 登入
2003-03-26 02:16:23| 人氣66| 回應0 | 上一篇 | 下一篇

工友記事之N95 口罩 (re-post)

推薦 0 收藏 0 轉貼0 訂閱站台

話說今日公司出notice, 正係關於非典型肺炎的指引。不外乎又係'有病唔好返工', '老細們見到自己d 0靚好似有病0個陣要留意下' etc etc ...... 0既廢話。

粗俗d 講句, 鬼唔知阿媽係女人, 有病應該0係屋企休息唔好返工?!?! 個個都咁忙 (老細亦然, 或者扮忙, whatever) , 假使你咳到個個都懷疑你有肺炎, 你何止應該返得屋企呀, 直頭叫你無限期停工0忝la!

其實個notice 最吸引各位工友0既係, 內容提及我0地office 0既reception 有口罩派. 仲要話明係N95 型口罩, 搞到個個都趨之若騖。之後個個都爭相走到reception, 令到得豆腐潤咁細0既入口一時間有超過10 人聚集, 令到0個度水洩不通。

reception 姐姐 (唔係, 應該係阿sim...) 見到咁0既勢, 自覺不妙, 趕0西我0地扯, 仲聲稱'有需要至可以拎', 所以我0地唔準拎。

後來消息飛快地傳到某老細耳仔, 佢就發老脾, '咁點得ga? 有需要至派呀? 乜唔係一早預備左成間office 0既人0羊? 咁不如個個走去reception 咳兩聲la, 咁佢仲唔敢唔派0丫? 派到佢手跛都得ar!'

之後, admin 就每人派一個n95 俾我0地...

之後我話,'拎左返0黎要戴下喎' 點知老細話, '戴左你0地d 客戶服務專員點講電話呀, 好大回音ga wor'. 好, 唔戴lor~ 我心諗, 超, 剷reception 阿sim 0個個又係你, 唔准人戴mask 0個個又係你...... 神又係你, 鬼又係你, 你講0西la!

結果, 個工業用防塵口罩就放左0係'木台'上封塵......

我要檢舉
台長： ah b

您可能對以下文章有興趣

人氣(66) | 回應(0)| 推薦 (0)| 收藏 (0)| 轉寄
全站分類: 不分類

TOP
詳全文