24h購物| | PChome| 登入
2003-01-14 00:16:24| 人氣34| 回應0 | 上一篇 | 下一篇

黃昏流星群

推薦 0 收藏 0 轉貼0 訂閱站台

偶然睇到一篇漫畫, 係弘兼憲史0既<黃昏流星群>0既第一篇, 亦都係本人印象最深刻0既一篇:

有個退左休0既阿伯, 自覺0係社會上失去左價值, 加上佢屋企人0係佢背後話佢係負累, 於是盟起左尋死0既念頭。佢好偶然咁識左以前做新聞報導員, 後來因為年華老去而被迫退休0既阿婆, 亦因為早年喪夫而覺得人生再無意義, 不如尋死。咁0岩阿伯0既朋友亦身同感受,又識左一個聲稱非法賣安樂死藥0既人, 佢地三個用0西成副棺材本買左三粒藥, 然後相約一齊搵一個好地方安祥地離開人間...

佢地三個搵左一個有瀑布0既郊外, 租左個旅館留左一陣。阿伯個朋友心急, 話要身先士卒, 自己一個去左瀑布, 食左粒藥咁就去左。點知後來阿伯同阿婆搵番佢地朋友條屍, 發現佢死時表情痛苦, 一d 都唔安祥, 先至醒覺個賣藥人係騙子, 而佢地亦都覺得好難過, 更加唔好話食0個粒藥。

佢地好徬徨, 一方面又唔想死得咁痛苦, 另一方面棺材本又俾人呃左. 其中一個提議, 橫掂一場0黎到環境咁優美0地地方, 不如唔好0徙, 玩陣先la。玩左幾日, 阿伯同阿婆發覺大家相處又ok 喎, 咁樣就一齊左。而且佢地同時發現左, 人0既價值, 唔係在於佢既productivity, 而係人與人之間0既關係-- 我覺得你係重要0既, 咁你就有價值ga la. 最後, 當然打消左尋死0既念頭.

我要檢舉
台長： ah b

您可能對以下文章有興趣

人氣(34) | 回應(0)| 推薦 (0)| 收藏 (0)| 轉寄
全站分類: 不分類

TOP
詳全文