燕仔遊樂場 此遊樂場正式於2005年3月20日開幕～ 成立目的是為慶祝本人１９歲生日～ 而且有好多感想想同大家分享下～ 希望大家可以在此盡情享樂～

72愛的鼓勵 1訂閱站台

 

呢套戲自從係一月個陣見到觀光塔有poster係度就一直好想睇喇~

不過一睇片名就知道係情侶滿場既movie, so我好怕會俾人閃死~

but好彩婷婷肯陪我一齊去冒險~

原本叫同事留個靚位, 點知陰差陽錯底下都係miss左~但係個位置都幾正中幾唔錯既~

只係好想一嚐靚位滋味既美夢就幻滅左~

原本聽某人講話睇完呢部戲都無乜野, 男仔訓著左添~so我都有點擔心會踩到雷~

不過有一大班靚仔靚女大cast大制作仲係我偏愛既愛情片~so值回票價!

一開始求婚既男主角係花店老闆, 佢既角色都幾funny~

同埋佢真係幾靚仔, 把聲又好有磁性, oh god~有被俘虜既感覺~

拒絕佢既女仔實在太天真太傻喇~~咁正既男人去邊度搵呀!

劇中有個小男孩都幾搶戲, 咁細個但係口吻真係好成熟咁~好得意~

而前排我狂追既實習醫生入面有兩個男主角都有份演出呀!

狼人弟弟都無新月睇落咁大隻, 不過佢真係唔似高中生lor~

安妮夏菲維真係勁靚, 不過我一開始都唔係咁明佢做乜成日講d怪電話,

後來慢慢領會到佢係成人電話服務員咁~

佢真係做得幾好~語氣好專業咁~仲有好多聲效添~哈~

成部戲印象最深刻係花店男主角走去機場追個女教師,

當時佢地係好朋友, 男主角係花店知道個男人係有老婆既, 唔想個朋友去到舊金山知道真相會更hurt,

雖然佢講左出黎, 但個女仔都係堅持要去~感情真係唔容易~

戲入面有講及到校園青春既情人節,

睇住個女仔直接同個班主任講話中午唔得閒, 因為要把握時間同男朋友第一次sex,

因為之後要分隔兩地, so佢地希望留個美好回憶~

個班主任個樣o晒嘴咁, 後來個女仔都有同祖父母當面傾呢件事,

哈~~老人家既反應都係嚇呆左~家下d年青人真係.....

但係佢地最尾都無做到, 個男仔係女方屋企除晒衫綵排, 仲彈埋結他,

好笑在女方阿媽突然出現~真係勁搞笑超尷尬~~哈~ 

最後一班單身傷心既女子組埋一group開個party,

title係i hate valentine's day!

我諗可能我將來都要發起呢d party~可能得我自己一個人~

就算自己一個狠狠地打碎個心!!!

睇完成部戲真係覺得幾不錯, 都有好多意想不到既地方~

我記得個老伯伯既話: 係呢d咁既日子每個人都會有壓力, 連小朋友都係~

哈~情人節真係好有壓力呀!

真係唔想情人節個日走出街, 好開心今年同大年初一係重疊左~

放假可以索性匿埋咩都唔理~

唉~~唔知下年係咪都可以避過一劫~