燕仔遊樂場 此遊樂場正式於2005年3月20日開幕～ 成立目的是為慶祝本人１９歲生日～ 而且有好多感想想同大家分享下～ 希望大家可以在此盡情享樂～

72愛的鼓勵 1訂閱站台

 

人生總係有d失敗既moment,

以前讀書時候真係太順風順水,

最大既失敗都只係體育唔合格, 中文既閱讀理解某次測驗唔合格,

微積分期末考唔合格,

但影響不大, 因為總有d野可以拉番, 體育唔合格咪搵d美術音樂搭救,

中文閱讀理解唔合格咪有d默書, 聽力咩去拉,

微積分期末考唔合格都靠平日小測拉到80幾,

所以失敗挫折係好正常, 總有事情可以拉回來.

讀書時代既我算係好平步青雲, 無咩大風大浪,

令到剛投身社會工作既我好唔習慣,

我既人工係咁多個朋友入面最低既,

我既工作錢少受氣, 人地就hea緊都仲月入過萬, 我都唔知自己做緊乜,

我阿爸對我失望, 我阿媽對我失望, 我阿哥無對我有過希望,

最難受係見我三叔, 佢聽到我做份文職時呈現的驚訝嘲諷表情, 真係少見為妙,

其實我對自己都好失望,

有朋友話過我係懷才不遇姐, 我唔係好認同, 我自問才幹其實不多, 真的,

飽讀詩書都係滿口髒話, 比我有學識有才幹有禮貌的人很多,

工作的第一年經歷的挫敗很多, 哭了很多次,

在公司廁所, 在水塘邊, 在家裏那張床上, 在公司的位置,

曾經以為自己從此一蹶不振, 前路無望, 一生灰暗, 好多好多負面既諗法,

現在還是安好的, 坐在這裏, 我算是幸運了.

很多高分活潑開朗既讀書第一名, 其實都係憂鬱症既高危人士, 這群天之驕子並沒有比較幸福.

講太多, 離題了, 仲未講今日整既馬鈴薯麵包,

唔好誤會佢失敗係因為白色既外表,

佢會係白色因為佢材料入面係無蛋or油, 而且用黎著色既水麥芽我又無喎,

but我硬著頭皮照做, 其實味道係無異樣, 只係顏色唔係平時見到既金黃色,

唯一失望既係我係烤前同烤中都有掃水係包既表面,

但始終烤後都係無個種香脆既感覺~

下次都係換過第二種麵團去包薯蓉, 我覺得個薯蓉都調得幾好味,

加上岩岩烤好個陣d薯蓉真係好香, i am lovin it!

呢款麵團既好處可以話唔使點甩打, 好容易成團,

食落去有點硬, 我媽咪話似豬仔包,

哈~我都覺~但香料薯蓉加香腸真的蠻不錯~

d料多到爆鬼晒出黎~有個爆到開花咁~

但大家要睇睇佢地入烤箱前明明好安份架!

 

我會繼續努力, 從失敗中學習, 感謝每個麵包和蛋糕, 你地陪伴左我好多假日~