24h購物| | PChome| 登入
2008-03-04 11:23:03| 人氣51| 回應0 | 上一篇 | 下一篇

愛與夢飛行

推薦 0 收藏 0 轉貼0 訂閱站台

好耐冇寫過日記,
想換換底圖個陣,
見到dream & love = existence
人要有夢想先有動力,
前晚家聚學妹話咁學姊你讀左4年番去又唔知做乜咪好晒lor~
其實讀大學唔可以話得到好多,
畢竟自己唔係花好多心思,
亦都冇真係為自己個科花好多時間同熱誠,
不過我覺得讀心理系令我好鐘意觀察人同埋與人溝通,
雖然我有時好想一個人獨處,但係多數係同人一齊吹水我會更高興,
所以第時我想做既工一定係同人密切接觸,
如果要我匿埋一個地方默默地苦做我實悶死,
so我唔岩做研究,要自己一個窩係研究室,絕對唔適合lor~~
我期待將來可以同年青人講: 其實大學讀邊科同第時做咩真係好大出入架~
最近烘焙成為第二興趣,真係好鐘意,
亦都好想去做,只係係澳門連器具材料都唔齊全,
完全無法落手,所以我希望有實作既機會~~
夢想真係好重要,因為我地永遠睇唔清將來,
只係掌握到一點不實在既野都好高興,
還是盡人事,安天命,莫強求~
至於愛情,確實好多野都估唔到,
尋晚聽到一對已畢業的學長姐分左手,
佢地之前係學校仲好恩愛,只能感慨世事難料喇~~
感情隨著時間與距離而發酵,
就算唔係感情變質,諗到將來麵包問題都係令人頭痛,
公主與王子,都要為左生活拼搏,都要為左小朋友捱更抵夜,
畢左業之後愛情,事業,家庭都會縮短係幾年內發生,
比起以前幼低幼高,小學,中學既漫長,真係差好遠,
直到依家,都仲可以恃住自己係學生,
可以任性d,可以諗去邊度玩,可以周圍行街,睇漫畫,追劇集,
我真係唔想咁快就番澳門搵工~~
想he下he下咁過真係唔容易,
尤其係我發現自己唔係好適應澳門既步伐~
淨係叫我搵工都好懶散~~
要做小富婆真係唔容易哦~~~

我要檢舉
台長： 燕仔

您可能對以下文章有興趣

人氣(51) | 回應(0)| 推薦 (0)| 收藏 (0)| 轉寄
全站分類: 心情日記(隨筆、日記、心情手札)

我要回應
否 是 (若未登入"個人新聞台帳號"則看不到回覆唷!)
* 請輸入識別碼：
請輸入圖片中算式的結果(可能為0) 
(有*為必填)
TOP
詳全文