燕仔遊樂場 此遊樂場正式於2005年3月20日開幕～ 成立目的是為慶祝本人１９歲生日～ 而且有好多感想想同大家分享下～ 希望大家可以在此盡情享樂～

72愛的鼓勵 1訂閱站台

我諗每個人係搵到自己既方向之前，
都避不了有一段迷惘既時期，
呢個ｍｏｍｅｎｔ，你會ｆｅｅｌ到好多抉擇，
好多環境因素同壓力，
漸漸發現到人生係好短暫，生活好現實之類既．．．
不過，係咁迷惘既時候，
一個人埋頭苦諗都唔係辦法，
同朋友傾下計，反而可以搵到一ｄ方向，一點頭緒，
ｎ世紀前心理學家就話係我地呢個年紀既年青人，
真係好容易俾朋友影響，
所以，朋友們真係好重要，
朋友們既堅持同理想都會激發到自己，
家庭，友誼，愛情，學業，工作，
人生都係不離呢ｄ　ｄｏ　ｒｅ　ｍｉ　ｆａ　ｓｏ～
偏偏呢五樣野又會互相衝突下咁，
好難面面俱圓，
青春太短，尤其對女仔而言，
我地可以揀既可以選擇既時間同自由都好有限～
呢個係我作為女生既感慨～

入大學呢四年我覺得係有得著，
雖然之前個三年都係盲中中咁，一味讀書，
但係到大四呢年慢慢清晰到自己想要ｄ乜野，
以前個人其實都幾跟風下，
好似ｄ　ｆｄ去做咩咪跟住ｌｏｒ～
冇乜點自己決定，尤其係成日覺得自己除左讀書之外又冇乜長處咁，
對生活又係得過且過，冇乜人生目標，
連讀大學都係人地話讀咩就讀咩好，
ｂｕｔ估唔到讀得幾ｍａｔｃｈ～
依家開始搵到ｄ想做既野，
社心老師話過，作為一個博士研究生，若果你研究既項目唔係對自己既人生有貼身關切的影響，咁你做乜仲要花時間留係研究室入面，應該留番時間去做ｄ有意義既正經事，例如結婚生仔之類既～
我覺得黎到大學就係俾自己一個機會去搵可以花一生精力去投入既事，
我發現自己好鐘意去旅行，尤其對某幾個國家有特別既興趣，
當你留係外國一段時間就會發現好多文化差異，
例如：當我係ｆａｉｒ放工等人個陣，觀察到好多墨西哥人都好鐘意著緊身衫，明明會有肚腩突出黎，佢地都係要著得合身，甚至有ｄ緊，而且唔止番工，平時休閒服都係，我覺得自己會發現到ｄ咁既野好搞笑，但係就係呢ｄ咁瑣碎既事都會令我有一定既滿足感。
另外，我好鐘意整蛋糕，其實之前都有試過上網搵下食譜自己做，
成效麻麻地，不過真係幾有興趣，依家真係出去學，
我發現自己會好認真去諗好多問題，
例如點解ｄ材料要咁落，到底呢個材料落去有咩用，會引起咩化學反應，
烘培領域真係好有趣，而且呢度學到既係澳門學唔到，
向老師問問題既次數多於三年以來向教授發問，
就連落左堂睇番食譜都仲係有問題出到黎，
我確實係好想深究呢個領域～^^

我希望將來可以開cafe店，賣賣咖啡蛋糕，
係台灣多雨繁忙既城市，係我唔記得帶遮而匆匆跑去躲雨既ｍｏｍｅｎｔ，
我就好想有一份握在手心的溫暖←咖啡，
同埋一份幸福的甜蜜←蛋糕，
綜合黎講，我希望cafe店可以俾人一種放心休息既感覺，
呢個係夢想，要好好努力！

另外，我都幾鐘意跳舞，
以前中學仲幾排斥下，不過就好羨慕同學們跳舞，
到左大學，為左港澳之夜表演而不得不去努力排練，
努力睇ｍｖ學，仲要係屋企練，練完仲要教人，
係呢段過程覺得好充實，隨著音樂節奏擺動既身體，
覺得自己好ｓｈａｒｐ好有自信，
之前都係跳下流行曲，依家就嘗試緊國標，
不過要同ｐａｒｔｎｅｒ夾真係有ｄ難，
至今都係得一個男仔令我覺得係幾夾，同埋願意一齊進步，
但係舞伴未固定落黎，仲係一直換黎換去，
唔知之後會點呢？　好期待，都幾想參加寒訓～

我好鐘意日文，以前都唔係咁覺，
不過學左２年，又加上睇日劇會努力聽句型時，
就覺得自己鐘意日文既程度大於英文ｎ倍，
奈何英文程度既好壞會影響到日後出路工作，
所以真係要好好努力練習英文，
尤其係ｌｉｓｔｅｎｉｎｇ同ｓｐｅａｋｉｎｇ～

喵～～大四先發現人生仲有好多要努力既空間，
如果去唔到賭場做既，咁不如去酒店廚房做下蛋糕學徒都不俗吧～
可能到時要拜符ｂ為師添～哈～
人生真係好難講，尤其係搵工呢ｄ野，
好難一開始就搵到份岩既，
好似拍拖都唔係初戀就一定係ｍｒ　ｒｉｇｈｔ～
所以，換下工作流動下對公司對自己都好既，
還是睇開ｄ，個人會開心ｄ～^^
仲有，要多ｄ發掘自己既優點，真係會越黎越鐘意自己～
喵～自戀中．．．