＊旋轉舞台＊ 舞台＊ 生活的步履 如旋律般的流轉 逐級而上的人生舞台 上演著生命的曲目 全力以赴的足跡 像是跳動的音符 不停的譜出 動人心弦的樂章＊

5愛的鼓勵 0訂閱站台

終於都過了一個月了，其實這只是轉眼間而已。
返工的頭三天，還未實行Driving licence renewal的網上預約
返到運輸處連呀頭也不知我們要做些什麼
唯有將我們安置在飯房，cup下印仔罷了
好在，認識到她，和我post一樣，和我同一天返工的女孩子


這三天，我們困在同一間房內朝夕相對，
工作就是返黎坐，真的無聊透頂。
於是我們便不停傾計，傾到無野好講就下唱下歌，
嘻嘻哈哈又一day

好在，神為我預備了這樣的一個新同事，
不然，我一定忍受不了這樣的工作。

開始正式工作後，其實也沒有太大分別:
一個星期坐Counter
工作就是等人來check in　
只需對一對ID　表格是否填妥　然後Click一個制便完成了
整個過程大概需要一分鐘，
換句話說，若然一日有20個Booking
那麼我的實際工作時間也只是20分鐘而已
即是我每天回來呆坐８小時，就是等那20分鐘的工作。

然而，到目前為止，平均每日都只有20個Booking
加上每日平均有6個人No show
因此，每天的實際工作時間只是14分鐘而已
最離譜的一天，只有5個人出現。

第二個星期坐information
雖然被獨立地SET一個counter在門口的corner位
人們慣性地一入門口就衝過來問我問題，
更可笑的是，當我告訴他，
我這裡只有一種牌照的籌和表格，
其他的請到詢問處問的時候，
他竟然對我說：下！咁你坐係度做咩呀？

基本上，除了我負責的部分，
其他的問題，在旁的〝石Q〞們都會幫我解答，
什至還比詢問處那兩個呀伯答得還要清晰和禮貌。

即使是這樣，也總比坐Counter有趣，
因為你每天都會遇到很多千奇百怪的人和很多不知好嬲定好笑的事。
而且還認識到儀姐(望落去好YOUNG，But D仔女都大過我，
成日都好開心，對人好nice　好中２去旅行的一個石Q姐姐)
和簡sir(石Q呀頭，行左十幾年船，又做過海英軍，
閱歷豐富，英文超勁，好有威嚴，不過仲未結婚的一個光頭叔叔)
有一日，儀姐仲帶左我去食粥同腸粉，
又抵食又好味，正！
同佢地傾下計，聽下佢地既故事，學下英文，

時間就這樣過了一個星期。


雖然工作是這樣苦悶，職位又低，
什麼也好似唔到你理，你唔需要知，
一ｄ好簡單既野，你想幫手做都唔比你做，責任問題，
我既存在價值好似可有可無咁，
salary又少,連sick leave 都無pay
仲要比我知道係agent公司食左我地好多＄，
而且我地唔屬於政府請的，
contract完左都無得轉長工，更加無得升．．．

初時，呢一切都令到我好沮喪，
仲好嬲，好似被人騙左，
因為請我地果陣，好多野都無講清楚，
（其實當我知道得６ｋ一個月果陣已經好唔開心，
因為我第一份工已經有９ｋ一個月，
不過我知道，我而家無得揀，
一定要由低做起）
我以為我地係同其他同事一樣的，
原來我地只係為左網上預約特別請返黎既兩個閒人．．．

但神的恩典真的很奇妙，而且是夠用的‧
神就是刻意把我放在這裡，全都是為了我好，
很多時，人都不知道自己真正需要的是什麼‧


我返８點５０分放５點３８分
一星期只需返五日工，
工作完全無壓力，得閒就cup下印仔，
無野做等收工，又有糧出，
不但唔使ot，５點鐘就可以入房打機等放工，
一星期有三日有tea 食，
唔係東海堂就係美心西餅，
食到我都唔想再食．．．
（再係咁落去，一定肥死）


而且呢份工仲可以比到好多時間你，
不但星期日返到教會，
放工後仲可以去拍拖、跳舞、排戲、訓覺、睇電視、靈修、練琴．．．
我一直求的不就是一份能讓我做到這些的工作嗎？

我最大的得著是在工作中學會了忍耐並且凡事喜樂。
返工最多既就係時間，當然要諗Ｄ玩意自娛一下啦！
如果我有能力，恐怕已能完成一份劇本了。
最經典的莫過於係寫信，
最初果兩星期我地一個係外面，一個係入面，
我同細Ｃ每日就係用寫信黎代替電話同msm傾計，
高峰期時一日寫十幾封信比大家，
仲有細cathy做我地既信鴿，
其餘時間又可以傾下電話、send下msm、睇下書、溫下日文、背下金句卡咁
最離譜試過玩左成個下晏NDS，當然不能太揚咁打啦
（最近NDS真係非常之猖狂，不但身邊Ｄ朋友同公司Ｄ人（後生果Ｄ）
幾乎每人一部，行出街隨處可見，行落地鐵仲恐怖，
車廂內十有九個女仔都拿住部NDS）

第三個星期開始，我地又一齊轉返入黎，
（唔知係咪連madan都覺得我地係出面好多餘呢）
一個做Checker 一個坐返Counter
後來我地懶得摺信封，就變左傳紙仔，
由一日幾封變成一日一封。
我都覺得我地好幸福，傳紙仔呢家野係學生時代先可以咁玩ga ja
估唔到而家咁大個人返工都仲可以玩。

最近既新玩意就係NDS
一開始時瘋狂迷上cooking mama
不過每隻game我都玩幾日就厭了，
所以麻，我根本就不用買返部，
借黎玩下都已經夠啦～

p.s 呢幾日返工狂cup印仔，cup到手軟tim
又有幾日我地係度玩勁歌金曲接歌仔，而家識背哂lu～
不過其實有大部份時間都用來發呆的。

而呢幾日有大部份時間都
就這樣，時間並不是想像中的難過‧
而且，還發現原來有很多人都很羨慕我這種工作。