假期前三日開始病，
先是胃痛，痛足三日，
痛到講唔到野，個人痛到全身乏力，好似虛脫咁，
我都好佩服自己竟然一日病期都無請到，
當然啦～次次都返到黎先痛，朝早以為無事啦，下晏又開始痛。
假期前的最後一日是最難過的，
胃痛外加感冒。加上細Ｃ都請左病假，就顯得我更悽慘。
（大家都病，為何你請了假，我卻要返工）
後悔自己的死撐，堅持不要你來接我，不想你白白等我兩個鐘，
換來的是自己獨個兒回家，追唔到架車，無人借個膊頭比你訓，
上到車又痛又凍，還要淋了幾滴雨．．．
明天開始放長假，個個都去左玩，而我就一早返屋企訓覺，仲要見唔到你。
一訓就訓到第二朝，終於捨得去睇醫生了。又有你陪，真係好！
可是胃痛就沒有了，感冒就才剛開始．．．
直到而家傷風都仲未好返，懷疑係鼻敏感。
復活節假第一天的節目，就係晚上的逾越節晚餐。
我都係第一次參加。想不到原來吃的是這些東西。
有蘋果、幾種不知名果實、提子乾、羊肉、硬到咬都咬唔到既乾餅同
好難食既苦草放入一個透明膠盒內，還有一小杯提子汁。
之後有默想時間，主任揹住十字架帶我地行上惠群小學既操場，
呢度既四個角落佈置左四種記念耶穌既物件，
有十字架、釘、鎚仔同裹布。
操場一片漆黑，唯每樣物件有數盞黃色小燈照射著，
加上播放器媛媛飄出陣陣哀傷的音樂。
各人都在這片氣氛下被帶到主的面前默想，
我也受到感染，淚流滿面（還有唱詩時）！
第二天一早又回到教會，至到下午五點。
上午祟拜，lunch就係教會一圍圍䒷咁食飯，
下午就請左劉世增牧師黎講榮耀的教會，
好似聽緊公司既業績報告同投資講座咁，
好detail咁幫你分析or計劃你教會既弱點同強項、改善既方法、將來既方向、
對教會既期望、提供既協助等等，同埋玩左一個遊戲咁大把。
我都係中2好似往年咁去camp多d～
第三天的節目，也是最期待的一天。
因為我地今日被抽中左上小儀、donald Ariesideru個節目玩。
係細Ｃ上去玩完之後叫我去玩的，
地點仲要係屯門市廣場咁近，
為左果２千元吉之島coupon, 唯有豁出去啦！
我之前send左幾次去都失敗，原來係我寫錯左個address,
估唔到，幾日後真係收到小儀既電話叫我地上去玩，
我收到電話之後真係興奮到傻左～KAKA
（今次仲要係最後一次係屯門市廣場做節目。
之後會返返廣播道做，仲好似變返做五百元大鈔。）
（不過你聽到後好似無我咁開心，只係話好緊張）
之後我地果日仲去左食日本野(夢工場）慶祝tim！
仲好記得果日係星期二。
兩點半黎到直播室既後台，好開心見到小儀同donald，
不過佢地問完我地野之後就淨係掛住自己傾計，無理我地。
等我仲諗定好多野同小儀講tim～
咁又係，唔係以為抽中左上黎做節目就當正自己係主角，
我地只係節目既一部分，
出面企左咁多人都係為左佢地or 今日既嘉賓而黎。
心情從呢一刻開始起了微妙的變化．．．
到我地出去了，出面勁多人，好多相機閃閃，
e～仲見到豬仔d fd 喎，心情勁緊張。
我地既故仔要組織好講出黎的確有點難度，
結果不夠時間完整地講哂成個故事，
而且還自覺自己講左ｄ唔係好應該講既野，
我一向都好怕自己表達得唔好而令人誤會，
但我偏偏就好容易講錯野．．．
最後向對方講既一分鐘深情對話，
我諗左好耐既犒，差ｄ緊張到唔記得點講，
估唔到你真係唱首歌比我。
坦白講，其實果一刻大家聽完都無咩感覺，
你也估到我會講ｄ咩，一ｄ都唔感動。
難道我地真係為左果2千元coupon而黎的嗎？
我們不也是為了見證大家的感情而黎的嗎？
最後我地答錯左三條問題，共得千五元coupon
我已急不及待想快d去吉之島掃貨la～
不過我揀左個微波爐同風筒之後，就只係得返500元coupon
咁我唯有放棄之前係sanior揀既精品la～
（唔係就得返200元ja）
買叮叮一直都係我既心願，
屋企連微波爐都無，好唔方便ga ma
而風筒又係必需品。
加上豬仔都未揀野，
雖然話你無咩想買，全部比哂我ja
但我都唔可以咁自私ga ma～
我諗住d coupon 係用黎買d平時唔捨得買但又好想要既精品ga ma
or 狂掃d平時唔捨得買既零食。
還未享受到果種唔使考慮價錢又可以瘋狂購物既喜悅，
而且又唔能夠同你分享呢種喜悅，
就已經用左$1000元coupon la～
心情即刻趺落谷底．．．
所有的事都在我意料之外。
豬仔d fd一場黎到捧場，又陪我地去買野，
跟住落黎既活動，當然是大伙兒一齊去豬仔家打牌啦，
之後又去打冷．．．然後去食滿記食糖水．．．
不過我既心情一直都無好過～
到了星期日，今日係媽媽既生日，
好開心，佢終於肯跟我返一次教會，
仲咁岩今日係三堂聯合既浸禮，
會堂都坐滿哂人，
好想佢係教會識多ｄ朋友。
一早講好今日完左之後同媽媽一齊去飲茶的，
點知你又無出現到，
好在都有天諾同呀榮陪我同媽媽去食野，
不過最後都無飲到茶，只係去左嘉麗園食。
然後如期去天諾家看受難曲。
後來你也來了，
我以為我會由頭喊到落尾的。
每一下的鞭打都膽戰心驚的，
可是這也太狂張了吧，竟可這樣殘忍，實在難以至信。
直到看到主耶穌被釘十字架那一幕，
斗大的淚珠就由被刺穿手的那一下開始一直滾個不停。
今天你的失約，對我冷淡的態度加上
由昨天起累積的壞心情，
情緒又再度缺堤。
最後又因為你充滿愛心的一頓飯安慰了我。
豬仔你好叻呀～懂得煮家常便飯，而且味道還不錯。
爸爸走了後，彷彿把照顧我生活的責任交給你了。
你說過要每天都煮飯給我吃的呀～
嘩！我真的很幸福呢～
我地一齊落街買Å，然後回家後你教我煮飯。
（HAHA其實係我睇住你煮而已）
因為你，煮飯這麻煩的東西好像變得有趣多了。
今晚的Å有我最愛吃的栗米羹、你最拿手的煎紅衫魚、
肉片抄菜心同埋好耐無食過既茄汁焗豆。
媽媽也試了幾啖呢！
每次你煮野比我食，我都覺得好感動哦～
（最中２你既煮公仔麵）
踏入假期的最後一天，又唔使返教會，
你又可以放到假，天氣又咁好，實在太好啦～
真係好想出去郊外舒展一下心身呀，
將之前悶悶的心惰都一掃而空。
我地約好豬仔d fd 三點半係良景輕鐵站等，
去完超市買零食之後，就由青山出發行去下白泥啦！
還好沒有什麼太陽，唔哂！上到山仲好大風tim！
上山果段路都有好多人行，
不過落到山就得返我地五個，
沿途都無咩風景睇，
（下次要去更遠的地方哦，不要只在元朗屯門啦）
雖然我地有地圖，都差d迷路，
終於到左下白泥啦～
無想像中咁靚，不過都幾都遊人，
要入去既話就一定要經過個花園仔，
入面有自助燒烤場，
每人至少都要買支水先可以入去。
之後就搭小巴出返黎，
然後大伙兒又入屯門打冷(同一間)，
今次係我點既菜，好豐富的一餐哦～
好好味！同前日黎食既心情差好遠，好開心！
食完之後又去打保齡球，好yeah！
終於都完成呢個心願啦～
７個人一條line，剛好一人打到一局！
其實我都唔識玩，我都係玩過兩、三次ja，
不過估唔到係我地兩個女仔最高分，哈！
我都係靠技術入左幾球全中ga，呵呵～
之後仲去督左幾下桌球，
呢個真係第一次玩～
不過好悶，睇黎我都係唔岩玩呢ｄ靜態既活動！
今日真係最似假期的一天呢～
雖然我地無＄去旅行，
澳門都去唔成，
又因我回鄉卡過左期連返大陸都無得返，
係假期前我仲為左呢ｄ野唔開心，
仲諗得好灰．．．
不過我知道你為了滿足我的心願而很努力了～
感謝你＊
我地仲未一齊去放風箏啦、遊水啦、划艇仔啦．．．
文章定位：
人氣(44) | 回應(1)| 推薦 (
0)| 收藏 (
0)|
轉寄
全站分類:
不分類
