昨晚去了文化中心看『 阿根廷最後的探戈』
這是Hong Kong Art festival 閉幕禮的最後一個節目。
榮幸有份參與。
(雖然今年的art festival 只是看了這個節目)
小劇場我是常客，
大劇院我倒是第二次去。
記得第一次是去看大娛樂家。
完show之後不但劇場內有空降汽球助陣，
場外還可以憑票換取香檳一杯，
與二千幾名觀眾一起舉杯暢飲。
(雖然杯香檳一點也不好喝，好似溝了點啤酒，很酸！)場面有點像去ball
(第一次看完show還有酒飲呢！)
真的很興奮呀！
很久不見的小娜！感謝你的邀請呀！
個view比想像中還好呀！
後悔沒有收我錢嗎?(雖然是樓上側位也要$180一張票呢)
最初預期整個Show 都是看拉丁的，
一開場時的現場奏樂已經奏了接近十分鐘，
友人還問我 他們是否打算不跳了！
整個Show 大致是奏樂、跳舞、唱歌平均間隔著演出的。
現場拉闊的樂器包括大提琴、兩部小提琴、兩部手風琴、結他和鋼琴。
無疑台上的都是功力深厚的超班人馬，可是我對音樂的鑑賞力實在比較低，
且聽不明那女歌手唱的，不知是德文還是西班牙文的歌曲，
加上當日嚴重睡眠不足，(場內座位的手柄加了軟墊，座位非常之舒適）
這一切，彷彿成就了醫冶失眠最佳的藥方。
抱歉！令我在中場時小睡了十分鐘．．．
Dance 那part 的確很精彩呢！就像在台上自由地飛揚滑翔，
又如一對對在調情的情侶，她們誘惑而高貴，
觀眾們的焦點好像全都放在了那些女dancer 們的身上。
整個劇場幾乎爆滿，台下的一班觀眾看得如痴如醉，反應非常熱烈。
我想，其實香港觀眾也有不少懂得欣賞藝術的人吧！
起碼在這類藝術範疇上也不乏買票的人。
可是相對地一些業餘劇團搞的drama 觀眾人數就差得遠了。
而且來看的觀眾反應也普遍一般。
我不明白，drama 這一類的show不是比這些傳統舞蹈和古典音樂更易入口嗎?
( 至少我在我就不太能投入在這場Show中)
而且價錢也比相對地便宜多了。(除了詹Sir 的show)
我想．原因可能是小劇團沒有資金做宣傳，來看的都是一些已看慣的觀眾，
很難帶動和吸引一些新觀眾入場。
而且drama 的選揀太多，各有口味，很多是實驗劇，質素也參次，
與其要take risk 不如去看一些看慣的節目。
另外一個原因是可能是香港人覺得古典音樂那一類才叫藝術，
才能帶給他們優越感吧！
始終drama 是雅俗共賞的。
其實係睇show之前jimmy 已經陪左我出黎，
因為落錯車，於是我地就由觀音街行過Polly 橋，
再沿著海旁由星光大道行返去金像獎女神既另一邊。
不過行得好開心，咪當散下步減肥law！
我地都好耐未行過海旁la！
遲到？當然未啦！皆因我預早左出黎就係為左開show前的另一場show
動藝今日有個show係星光大道，同往年一樣，
同康文署合作搞既社區文化節目，
有rap ,jazz ,hiphop, modern 聯同d學員一齊演出。
我不是刻意來看的，只是剛巧知道了，便順便來了。
多謝你專登陪我出黎，仲要等埋我睇完show同我食飯呀～
不過，可以被小娜見到你一面，都值得既ｋａｋａ
難得我地三個又可以講下戲講得咁開心～
你可以一個人走上北京睇＜虎珀＞
他也可以一個人飛過日本睇Mr. children 演唱會
那麼，我也要出走巴黎去參與法國電影節的開幕電影
自我返工以黎，我地連續三個星期五都去左bc 睇戲！
同埋連續三個星期去我樓下間茶餐廳鋸扖呀！
超抵食～$40 有:
一個餐包
一碗餐湯
一杯涷飲
一份鐵板(內有兩大塊扖啦、兩份薯餅、仲有好多配菜)
一份甜品(紅豆沙or 芒果布甸)
兩個人分都食得好飽呀！
我覺得三套戲都好好睇呀～
尤其係竊聽者，抵佢係Oscar 拿獎 la ～
本來我以為係戰爭片來的，原來佢係講緊一個編劇家同一個間諜既故事，
係講人性既一ｄ心理轉變，題材冷門得黎非常之吸引，
配以柏林圍牆推翻之前的政治背景，
不但反映左當時因為極榷主義統治下產生既悲劇，
更將人類果種人性既矛盾掙扎描述得淋漓盡致．睇完之後令我都幾震撼！
魔間迷宮，我對佢既期望都幾大，
因為我以為係好似魔衣櫥／Harry Potter 果一類既戲咁
我好中2睇果ｄ魔幻童話故事的。
點知，原來呢套戲係絕對唔岩小朋友睇的。
當中汲及戰爭果part都幾殘酷，而且仲要好多恐怖既場面和造型，
果然係最佳美指、攝影和電腦動畫
不過睇完我都唔係好知佢有咩mean...同埋最後既劇情好似牽強左d
地下王國同戰爭兩條線擺埋一齊又好似無咩直接既關係...
不過anyway....都值得睇一睇既！
人造人之戀， 一間充滿想像力色彩繽紛既精神病院
裡面有好多好得意又超現實ge 野
有幾場都幾好笑 不過導演都係忍唔住加返d暴烈既元素係入面
其餘既精神病配角都做得幾好 我覺得可以講多d tim
其實套戲就唔係好完整 最後完果一刻 都令人o哂咀
下 ！完ga la 不過當佢係實驗電影咁睇都幾正既！
文章定位：
人氣(49) | 回應(1)| 推薦 (
0)| 收藏 (
0)|
轉寄
全站分類:
不分類
