破產＠傻氣的蜜糖熊｜PChome Online 個人新聞台

2005-06-03 12:53:32| 人氣38| 回應0 | 上一篇 | 下一篇

破產

推薦 0 收藏 0 轉貼0 訂閱站台

有一位已婚朋友，她的際遇不好，老公對她不單止不解溫柔，還動粗，講粗口，仲攤大手板問佢攞錢駛．．．梗直係人渣，社會既敗類！

她又唔爭氣，欠下咭數，又無野做，但為求生計，唯有繼續貸款，對她實在愛莫能助，之前遊說她申請個人破產，至少四年後又一條好漢，因為以佢現在經濟能力，咁樣還錢法，欠款只會有增無減，肯定四年後仍還唔清。

只是，申請破產的話，以後所有收入都會俾人計住，四年內仲有好多野限制；以後都唔可以申請信用咭，唔可以申請政府識位，或者銀行工唔會請，就算過左四年，破產呢個名都會“咩”一世．．．

她聽到後好猶豫，話唔想一世揹負破產呢個名，反而我有ｄ激氣，佢依家根本就無得揀，我覺得呢個係最好既選擇，唔通佢又鍾意“咩”一世咭數？咁樣又唔辛苦咩？

有次佢喊住咁打俾我，話佢老公因為錢銀問題，又話想同佢離婚，仲打左佢一巴，佢不斷喊，不斷話隻耳聽唔到野，好驚．．．我好嬲，叫佢即刻報警，但佢又唔敢．．．我好睇唔起打女人既男人！唔係，佢根本唔係人！無論女人幾唔啱，男人都唔可以郁手！如果打得落手，即係已經唔再愛對方，既然係咁，做咩要俾面佢，計我話，幾大都要同佢練過，再唔係，就走為上著，一定要做得比他狠！！！

我不斷勸喻她離婚，真係唔明有咩理由令佢留下甘受折磨，希望佢快ｄ諗得通啦！（最衰我唔識法律）

我諗我都要鬧醒佢．．．

我要檢舉

台長： * J.T. *

人氣(38) | 回應(0)| 推薦 (0)| 收藏 (0)| 轉寄
全站分類: 心情日記(隨筆、日記、心情手札)

回應(0)