鬼故＠傻氣的蜜糖熊｜PChome Online 個人新聞台

2005-06-03 18:19:16| 人氣30| 回應0 | 上一篇 | 下一篇

鬼故

推薦 0 收藏 0 轉貼0 訂閱站台

今早同事講左個鬼故俾我聽（佢係電台聽番黎），但係我就越聽越驚，仲全身毛骨悚然，心都寒埋，其實我好驚鬼，因為曾經有試過．．．

個鬼故係咁既，話說有個男聽眾（簡稱A）同兩男一女（簡稱B）食晚飯兼直落，玩到半夜，接到另一個朋友電話，叫佢地四人join佢地party，地點係朋友家黃金黃岸附近，剛巧翌日係公眾假期，有得玩佢地梗去玩啦，跟住佢地四人便坐通宵小巴入黃金海岸，當時車上已有四名乘客，（計埋司機，總共九個人）車程開左一陣，有人叫落車，司機泊埋站後，三個乘客落左車，再有一名女乘客上車，咁司機就伸出左手等收錢，個女仔俾完錢後，司機仍伸出左手，又唔開車，大家都好奇怪，司機就話"後面個女仔仲未俾錢喎！"咁A就話"司機，無人囉喎，得一個女仔上車，佢都俾左錢啦！"跟住司機再轉身望左一眼，就開左個窗，係度食煙，跟住就話"你地落車啦，我唔會開車嫁啦，我係度等天光。”當時附近都頗黑，又不多車，離黃金海岸又有半個小時路程，另外一個男乘客就叫司機開車，咁既環境落左車都走唔到，跟住對面線剛巧有一輛的士，那個女仔二話不說馬上落車轉坐的士，（當時車上計埋司機，總共六個人）跟住司機自行落車再食多支煙，仍然唔肯開車，A同其他人一起叫司機慢慢開，唔怕gai，佢地叫司機起碼去番一ｄ多人既地方先放低佢地，講左一段時間後，司機終於肯開車，但就真係開得好慢，好慢，半個鐘頭路程用左一個小時，A同朋友（四人）終於到達目的地，，另外一位男乘客都一齊落左車，司機仲即刻開車走左．．．咁A佢地要係屋苑門口登記左先可以入到去朋友家，當登記完後，行左幾步路，B就喊左出黎，大家問佢發生咩事，佢就話頭先都見到司機講嗰個女仔，佢地一齊落車果時，嗰個女仔都一齊落左車，仲係對面馬路望住佢地登記．．．事後B仲病左一個月添．．．

我一路打一路驚呀，真係好驚呀，可能我想像力豐富啦．．．好驚呀～

我要檢舉

台長： * J.T. *

人氣(30) | 回應(0)| 推薦 (0)| 收藏 (0)| 轉寄
全站分類: 心情日記(隨筆、日記、心情手札)

回應(0)