知己＠傻氣的蜜糖熊｜PChome Online 個人新聞台

2005-06-01 19:52:12| 人氣74| 回應0 | 上一篇 | 下一篇

知己

推薦 0 收藏 0 轉貼0 訂閱站台

算一算，與她都相識左15年有多，幾個月前她才結緍，還邀請我做姊妹及司儀，做姊妹當然冇問題（已有多次經驗），但做司儀倒是第一次，那時我既心情既興奮又緊張，我認為司儀亦是當晚婚宴重要環節之一，為免失禮，我與男司儀仲彩排了不下十次呢？當天一切出奇地順利．．．在婚宴上，（全埸關燈）觀看一對新人由細到大既短片，配合浪漫音樂，直到新人出來，新郎在大家面前承諾的一番說話，實在令我感動（這個是第二次令我覺得感動的婚宴，第一次是同事在教堂註冊，新郎在親朋戚友面前講既承諾，果刻真係好感動）覺得能作為他的妻子，是多麼的幸福啊！（係咪我諗得太簡單呢？嘻！）

一直以來，我都當她是我的最好朋友，只是有一段時間，意見不合，多了一點磨擦，總覺得她變了，變得衰左．．．最後又friend番。有次又同佢傾開，佢話我都變左，係變好左，佢話以前讀書果陣我好衰，之不過，我完全無印象囉，因為我覺得我一直都係咁好．．．哈哈。

我係唔開心既時候，好多時都會同佢傾訴，依家先知佢都幾了解我，至少係我需要人支持既時候，佢都幫到我，尤其前陣子我很失落，好down，好迷失既時候，佢同我講左番說話，令我感受番自己存在既價值，並唔係咁差，搵番自信心（差ｄ以為自己一文不值），好彩搵啱人傾，仲俾佢攪到我破涕為笑呢！心情當堂開心番！

仲記得係好耐之前（讀書果陣），我同佢研究掌紋，見到佢生命線斷開左，好驚訝，咁樣可能代表會有劫數，當時好驚佢有意外，叫佢過馬路小心ｄ，注意健康．．．
諗諗下，好驚佢有咩三長兩短．．．跟住仲喊左出黎（當然佢見唔到啦）依家諗番都覺得好儍。

人地話“得一知己，死而無憾”，我好幸運，因為我有你這位知己－Anvy。

p.s.我會幫你祈禱，生番個肥肥白白既BB，嘻！

我要檢舉

台長： * J.T. *

人氣(74) | 回應(0)| 推薦 (0)| 收藏 (0)| 轉寄
全站分類: 心情日記(隨筆、日記、心情手札)

回應(0)