唔經唔覺又返左黎澳門差唔多兩個星期，大部份時間都奉獻係澳大圖書館，其實依家係個度做野都算唔錯，可以一邊實習，一邊有錢收，一舉兩得，何樂而不為呢。今次暑假工作相比新年時熱鬧得多，台灣那邊的學生也過來實習，陣容也不弱，五女一男，但如果論「賣命」程度，我們三個武大學生可謂最努力了，朝早九點到下午六點全程做足，至少出席率也達到99.9%吧。
之前聽老師講過，社會上工作運用到的知識中，在學校所學過的東西只佔30%，其餘70%是靠工作中學習返來的，經過我對兩個師姐的觀察後，開始有d認同。師姐A在學校成績也算不錯的，師姐B相對來說就冇咁高啦，但依家係編目室入面，最受阿head重用ge反而係師姐B，亦曾經公開大讚師姐B好幫得手，屬「全能型」@.@ 不過師姐A就比較投入學野上，師姐B就傾向於賺錢，最搞笑就係有次問師姐B打算做到幾時時，答案竟然係「未知啊，睇下到時手頭緊唔緊啦。」以佢ge工作時計算，一直做到八月尾的話已經足夠交下年ge學費+宿舍費+一個月生活費...=_=
可能因為係大學圖書館做，令我感受到「有教無類」ge精神，首先就係因為多了台灣那邊的學生，令到編目室電腦不夠用，於是立即call電腦部那邊帶幾部notebook過黎，盡可能滿足我們實習機會。二來就係office入面ge編目員，我地遇到咩問題都可以隨時走去問佢地，而佢地亦好詳細解答/教導我們點做點做，搞到有時都唔好意思走去煩佢地...
前幾日我地個副館長又請晒我地一班實習生去飲茶~~一齊去食餐飯果然係增進感情ge最快速ge方法。
上個星期去左香港書展，估唔到一個書展竟然會吸引咁多人前來入場，淨係排隊等入場都要等大半個鐘。跟住係入面流連左好幾個鐘後，只係買左兩本書咁大把...=.= 而且突然覺得自己好唔環保，每次買完書後收銀員總會問你要唔要膠袋，起初我都覺得好奇怪，後來先發覺其他人都自備晒一大個購物袋，甚至拖埋行李箱放書，而自己卻．．．>.<
國際式會議展覽果然不同凡響，澳門又話要發展會展項目，真的不知道會搞得好唔好。啊!動漫節又接著開展啦，今年，暫時休息吧，國庫空虛。
有次搭巴士時，聽到身邊兩個女生大談係學校ge事，談及到她們某女同學的年齡時，「啊?乜佢同我地一樣係93年出世ga?仲以為佢係92年添...」哎，依家已經係九十年代世界喇，我地d「八十年代」已經老了 >.<
＝．＝．＝．＝．＝．＝．＝．＝．＝．＝．＝．＝．＝．＝．＝．＝．＝
2007-08-13
今日又係巴士上遇到一個外國人，見佢企係我隔離慢慢係袋入面攞左一張寫滿中文單字ge紙出黎，然後用廣東話同我講：「你好呀，可唔可以教下我點讀呢d字呀?」@.@ 哈哈，我當然樂意之至啦。虜、龍、駕、駛、集．．．每讀完一個字，佢就重覆讀一次俾我聽兼寫底個拼音，最搞笑就係個「速」字，讀唔到個音發成「捉」字，仲問我係咪捉住d野個「捉」音，還一邊問一邊用手握住個扶手杆，搞到我每讀完一個音都忍唔住笑一笑。原來佢係墨西哥人，係香港住左八年，職業係神父(聽左幾次先估到)，依家因為要黎澳門呢邊宣道，所以就暫時過左黎~~之後見佢講得咁辛苦我都少問左問題lu~況且我都要落車，唉，情況令我諗起自己係武漢講普通話，都係半桶水．．．T.T
文章定位：
